சூர்யா நடிப்பில், சிறுத்தை சிவா இயக்கத்தில் உருவாகியுள்ள ‘கங்குவா’ திரைப்படம் இன்று உலகம் முழுவதும் வெளியாகியுள்ளது. இந்த படத்தை பார்த்த அமெரிக்க ரசிகர்கள் என்ன கூறினார்கள் என்பதை சற்று முன் ‘கங்குவா’ படத்தை பார்க்க வந்த இயக்குனர் சிறுத்தை சிவா அளித்த பேட்டியின் வீடியோ இணையத்தில் வைரலாகி வருகிறது.

சூர்யா நடிப்பில், சிறுத்தை சிவா இயக்கத்தில், தேவி ஸ்ரீ பிரசாத் இசையில் பிரம்மாண்டமாக உருவாகியுள்ள ‘கங்குவா’ திரைப்படம் இன்று வெளியாகியுள்ளது. தமிழகத்தில் காலை 9 மணிக்கு முதல் காட்சி தொடங்கப்பட்டிருந்தாலும், அண்டை மாநிலங்களிலும் வெளிநாடுகளிலும், இந்திய நேரப்படி 4 மணிக்கு முதல் காட்சி திரையிடப்பட்டது.

முதல் காட்சி முடிந்தவுடன், ரசிகர்கள் சமூக வலைதளங்களில் படத்தின் விமர்சனங்களை பகிர்ந்து வருகின்றனர். பெரும்பாலான பாசிட்டிவ் விமர்சனங்கள் இந்த படத்திற்கு குவிந்து வருவதாகவும் தகவல்கள் வெளியாகி உள்ளன.

இந்த நிலையில், சென்னை காசி தியேட்டரில் ‘கங்குவா’ படத்தை பார்க்க வந்த இயக்குனர் சிறுத்தை சிவா, "‘கங்குவா’ திரைப்படம் இன்று வெளியிடப்பட்டுள்ளது, மிகவும் சந்தோஷமாக உள்ளது. அமெரிக்காவில் படம் பார்த்த நண்பர்கள் பாராட்டியுள்ளனர். மிகப்பெரிய வெற்றி படம் என்றும் வாழ்த்து தெரிவித்துள்ளனர். ரொம்ப திருப்தியாகவும் சந்தோஷமாகவும் இருக்கிறது. தமிழ்நாட்டு ரசிகர்களுக்கும் இந்த படம் மிகவும் பிடிக்கும் என்று நம்புகிறேன்," என்று தெரிவித்துள்ளார்.