సుప్రసిద్ధ గీత రచయిత సిరివెన్నెల సీతారామశాస్త్రి కనిష్ట పుత్రుడు, నటుడు రాజా చెంబోలు ( రాజా భవాని శంకర శర్మ) వివాహం వైభవంగా జరిగింది. హైదరాబాద్‌లోని హోటల్ దస్‌పల్లాలో ఆదివారం ఉదయం 10:55 గంటలకు వెంకటలక్ష్మి హిమబిందుతో జరిగింది. ఈ వివాహ వేడుకకు ప్రముఖ దర్శకులు త్రివిక్రమ్, కృష్ణవంశీ, క్రిష్, గుణ్ణం గంగరాజు, వంశీ పైడపల్లి, ప్రముఖ నిర్మాతలు అల్లు అరవింద్, వెంకట్ అక్కినేని, రచయిత బుర్ర సాయిమాధవ్ తదితరులు విచ్చేసి నూతన వధూవరులను ఆశీర్వదించారు.

కాగా.. తండ్రిలా రచయితగా కాకుండా రాజా నటనపై తన దృష్టి పెట్టాడు. అంతరిక్షం, హ్యాపీ వెడ్డింగ్, ఎవడు, నా పేరు సూర్య నా ఇల్లు ఇండియా, మిస్టర్ మజ్ను, ఫిదా, రణరంగం, ఏబీసీడీ, భానుమతి రామకృష్ణ వంటి చిత్రాల్లో నటించి మంచి నటుడిగా గుర్తింపు తెచ్చుకున్నాడు. ఫిదా సినిమా రాజాకు కెరీర్ పరంగా మంచి టర్నింగ్ పాయింట్ అనే చెప్పాలి. భానుమతి రామకృష్ణ కూడా రాజాకు మంచి పేరు తెచ్చిపెట్టింది. ప్రస్తుతం రాజా వెబ్ సిరీస్‌లలో నటిస్తున్నాడు.