திரைப்படத்தில் நடிக்கிறாரா 'சிறகடிக்க ஆசை' நடிகர்? முத்துவுக்கு கூட கிடைக்காத வாய்ப்பு..!
- IndiaGlitz, [Thursday,January 11 2024]
விஜய் டிவியில் ஒளிபரப்பாகி வரும் ’சிறகடிக்க ஆசை’என்ற சீரியல் மிகப்பெரிய அளவில் மக்கள் மத்தியில் வரவேற்பை பெற்றுள்ள நிலையில் இந்த சீரியலில் நடிக்கும் நட்சத்திரங்கள் அனைவருமே தங்களது சிறப்பான நடிப்பை வெளிப்படுத்தி வருகின்றனர்.
முத்து -மீனா, மனோஜ் - ரோகிணி, ரவி - ஸ்ருதி மற்றும் அண்ணாமலை - விஜயா ஆகிய நான்கு ஜோடிகள் தான் இந்த சீரியலின் முக்கிய கேரக்டர்கள். இந்த எட்டு கேரக்டர்களை வைத்து மிகவும் சுவாரஸ்யமாகவும் விறுவிறுப்பாகவும் காமெடியாகவும் சீரியல் சென்று கொண்டிருக்கிறது என்பதால் அனைவர் மத்தியில் நல்ல வரவேற்பு பெற்று வருகிறது.
இந்த நிலையில் அண்ணாமலை - விஜயா தம்பதியின் மூத்த மகனான மனோஜ் என்ற கேரக்டரில் நடிப்பவர் ஸ்ரீதேவா. இவரது நடிப்பிற்கு ரசிகர்கள் வாழ்த்துக்களை தெரிவித்து வரும் நிலையில் தற்போது அவர் பிரபல இயக்குனர் நந்தா பெரியசாமி பிறந்தநாள் கொண்டாட்டத்தில் கலந்து கொண்ட வீடியோவை தனது இன்ஸ்டாவில் பதிவு செய்துள்ளார்.
இந்த வீடியோவில் அவர் நந்தா பெரியசாமி தனது நல விரும்பி என்று தெரிவித்துள்ளதை அடுத்து அவரது அடுத்த படத்தில் நடிக்க வாய்ப்பு கிடைத்துள்ளதாக கூறப்படுகிறது. இந்த வீடியோ தற்போது இணையத்தில் வைரல் ஆகி வருகிறது.
’சிறகடிக்க ஆசை’ சீரியலின் நாயகன் முத்துவுக்கே இன்னும் சினிமா வாய்ப்பு கிடைக்காத நிலையில் மனோஜ்க்கு சினிமா வாய்ப்பு கிடைத்துள்ளதாக கூறப்படும் நிலையில் அவருக்கு ரசிகர்கள் வாழ்த்துக்களை தெரிவித்து வருகின்றனர்