'சிறகடிக்க ஆசை' சீரியலில் இருந்து இந்த நடிகை விலகுகிறாரா? என்ன காரணம்?
- IndiaGlitz, [Wednesday,February 28 2024]
விஜய் டிவியில் ஒளிபரப்பாகி வரும் ’சிறகடிக்க ஆசை’ என்ற சீரியல் விறுவிறுப்பாகவும் பார்வையாளர்கள் மத்தியில் நல்ல வரவேற்பையும் பெற்று வரும் நிலையில் இந்த சீரியலில் முக்கிய கேரக்டரில் நடித்து வரும் நடிகை திடீரென இந்த சீரியலில் இருந்து விலக போகிறார் என்ற செய்தி சமூக வலைதளங்களில் பரவி வருகிறது.
விஜய் டிவியில் ஒளிபரப்பாகி வரும் ’சிறகடிக்க ஆசை’ என்ற சீரியல் கடந்த ஆண்டு ஜனவரி முதல் ஒளிபரப்பாகி வருகிறது என்பதும் ஒரு வருடத்திற்கு மேல் ஒளிபரப்பாகி வரும் இந்த சீரியல் நல்ல வரவேற்பை பெற்று வருகிறது என்பதையும் பார்த்து வருகிறோம்.
இந்த சீரியலில் முத்து மீனா கேரக்டரில் வெற்றி வசந்த் மற்றும் மீனா கேரக்டரில் கோமதி பிரியா நடித்து வருகின்றனர் என்பதும் இயக்குனர் ஆர் சுந்தர்ராஜன், அண்ணாமலை என்ற கேரக்டரில் நடித்து வருகிறார் என்பதும் தெரிந்தது மேலும் இந்த சீரியலில் உள்ள அனைத்து கேரக்டர்களுக்குமே முக்கியத்துவம் கொடுக்கும் வகையில் இந்த சீரியல் உருவாக்கப்பட்டு வருகிறது என்பதும் விகடன் கதை குழுவினர்களின் விறுவிறுப்பான கதையில் குமரன் என்பவர் இந்த சீரியலை இயக்கி வருகிறார் என்பது குறிப்பிடத்தக்கது.
இந்த நிலையில் இந்த சீரியலில் மீனா, ரோகிணி மற்றும் ஸ்ருதி ஆகிய மூன்று முக்கிய பெண் கேரக்டர்களில் கோமதி பிரியா, சல்மா அருண் மற்றும் ப்ரீத்தா ரெட்டி ஆகியோர் நடித்து வருகின்றனர். இந்த நிலையில் ஸ்ருதி கேரக்டரில் நடித்து வரும் பிரீத்தா ரெட்டி ஏற்கனவே சன் டிவியில் ஒளிபரப்பாகி வரும் ’இனியா’ என்ற சீரியலில் நடித்துக் கொண்டிருக்கும் நிலையில் இரண்டு சீரியல்களிலும் மாறி மாறி நடிப்பது அவருக்கு சிரமமாக இருப்பதாகவும் எனவே ஏதாவது ஒரு சீரியலில் இருந்து அவர் விலக போவதாகவும் கூறப்படுகிறது.
அவர் ’இனியா’ சீரியலை கைவிடப் போகிறாரா? அல்லது ’சிறகடிக்க ஆசை’ சீரியலில் இருந்து விலக போகிறாரா என்பதை விரைவில் அறிவிப்பார் என்று எதிர்பார்க்கப்படுகிறது.