கோலிவுட் திரையுலக தயாரிப்பாளர்களுக்கு சிம்ம சொப்பனமாக விளங்கி வரும் தமிழ் ராக்கர்ஸ் மீது பல்வேறு நடவடிக்கைகள் எடுக்கப்பட்ட போதிலும் இன்னும் முதல் நாளிலேயே இணையத்தில் புதிய படங்கள் வெளியாகி வருவதை தடுக்க முடியவில்லை. இதனை சட்டரீதியாக தடுப்பதை காட்டிலும் தமிழ் ராக்கர்ஸ் இணையதளத்தின் அட்மினிடமே கோரிக்கை வைக்கும் மைண்ட்செட்டுக்கு திரையுலகினர் வந்துவிட்டதாக கூறப்படுகிறது.

சமீபத்தில் 'சென்னை 2 சிங்கப்பூர்' இயக்குனர் அப்பாஸ் அக்பரின் கோரிக்கையை ஏற்று தமிழ் ராக்கர்ஸ், அந்த படத்தின் லிங்க்கை நீக்கிவிட்டதாக வெளிவந்த செய்தியை ஏற்கனவே பார்த்தோம்

இந்த நிலையில் தற்போது 'பலூன்' இயக்குனர் சினிஷ், இதேபோன்ற ஒரு கோரிக்கையை வைத்துள்ளார். அவர் தனது டுவிட்டரில், 'தமிழ் ராக்கர்ஸ், கொஞ்சம் பார்த்து பண்ணுங்க, ஒரே ஒரு வாரம் டைம் கொடுத்திங்கன்னா, என்னோட தயாரிப்பாளர் தப்பிச்சிடுவாரு' என்று கோரிக்கை வைத்துள்ளார். இவருடைய கோரிக்கையை தமிழ் ராக்கர்ஸ் நிறைவேற்றுமா? என்பதை பொறுத்திருந்து பார்ப்போம்