సింగం 3 ఇంపార్టెంట్ అప్ డేట్..
- IndiaGlitz, [Tuesday,June 14 2016]
త‌మిళ హీరో సూర్య నటిస్తున్న లేటెస్ట్ మూవీ సింగం 3. ఈ చిత్రానికి హ‌రి ద‌ర్శ‌కత్వం వ‌హిస్తున్నారు. సింగం, సింగం 2 చిత్రాల సీక్వెల్ గా రూపొందుతున్న ఎస్ 3 శ‌ర‌వేగంగా షూటింగ్ జ‌రుపుకుంటుంది. ఈ చిత్రంలో సూర్య స‌ర‌స‌న అనుష్క, శృతి హాసన్ న‌టిస్తున్నారు. ఇప్ప‌టి వ‌ర‌కు విదేశాల్లో షూటింగ్ జ‌రుపుకున్న ఎస్ 3 షూటింగ్ చివ‌రి ద‌శ‌కు చేరుకుంది.
ఈ చిత్రానికి హ‌రీష్ జైరాజ్ సంగీతం అందిస్తున్నారు. ఇప్ప‌టికే ఐదు పాట‌ల‌ను రికార్డ్ చేసారు. అన్ని పాట‌ల రికార్డింగ్ పూర్తి చేసి జులై మొద‌టి వారానికి ఆల్బ‌మ్ రెడీ చేయ‌నున్నారు. స్టూడియో గ్రీన్ బ్యాన‌ర్ పై జ్ఞాన‌వేల్ రాజా ఈ చిత్రాన్ని నిర్మిస్తున్నారు. ఇక ఎస్ 3 ఆడియోను జులై రెండో వారంలో రిలీజ్ చేయ‌డానికి ప్లాన్ చేస్తున్నారు. ఎస్ 3 చిత్రాన్ని అక్టోబ‌ర్ లో ప్ర‌పంచ వ్యాప్తంగా రిలీజ్ చేయ‌నున్నారు.