நடிகர்களாக மாறிய பிரபல பாடகர்கள்: குஷ்புவின் அறிவிப்பு!
- IndiaGlitz, [Friday,January 29 2021]
தமிழ் திரையுலகில் கடந்த சில ஆண்டுகளாக நடிகர்கள் மட்டுமின்றி பாடகர்கள், இசையமைப்பாளர்கள், இயக்குனர்கள், தயாரிப்பாளர்களும் நடிகர்களாக மாறி வருகின்றனர் என்பதை அவ்வப்போது பார்த்து வருகிறோம். அந்த வகையில் தற்போது முன்னணி பாடகர்களாக இருந்து வரும் இருவர் நடிகர்களாக மாறி உள்ள தகவலை குஷ்பு தனது சமூக வலைத்தளத்தில் பதிவு செய்துள்ளார்
குஷ்பு தயாரிப்பில் சுந்தர் சி இயக்கத்தில் உருவாகி வரும் திரைப்படம் ’அரண்மனை 3’. இந்த படத்தின் படப்பிடிப்பு முடிவடைந்த நிலையில் போஸ்ட் புரொடக்ஷன் பணிகள் இரவு பகலாக நடைபெற்று வருகிறது. விரைவில் இந்த படத்தின் ரிலீஸ் தேதி அறிவிக்கப்படும் என எதிர்பார்க்கப்படுகிறது
இந்த நிலையில் இந்த படத்தில் பிரபல பாடகர்களான ஹரிஹரன் மற்றும் சங்கர் மகாதேவன் ஆகிய இருவரும் ஒரு பாடலை பாடியுள்ளனர். இந்த பாடலுக்கு அவர்களே நடித்துள்ளனர் என்ற தகவலை தயாரிப்பாளர் குஷ்பு தனது சமூக வலைத்தளத்தில் புகைப்படங்களுடன் பதிவு செய்துள்ளார். மேலும் இருவரையும் நடிகர்களாக அறிமுகப் படுத்துவதில் பெருமைபடுவதாகவும், நடிக்க ஒப்புக்கொண்ட இருவருக்கும் நன்றி என்றும் தெரிவித்துள்ளார். இந்த தகவல் தற்போது வைரலாகி வருகிறது
What a pleasure and honor to have two legends @SingerHariharan and @Shankar_Live on board for our prestigious project #Aranmanai3 as actors, performing for their songs. Thank you so much for agreeing to be with us. #SundarC ❤❤❤❤❤???????? pic.twitter.com/XSCEYjcgmd
— KhushbuSundar ❤️ (@khushsundar) January 29, 2021