பாடகர் எஸ்பி பாலசுப்பிரமணியம் அவர்கள் கடந்த ஐந்தாம் தேதி கொரோனா வைரஸால் பாதிக்கப்பட்டு மருத்துவமனையில் அனுமதிக்கப்பட்டு சிகிச்சை பெற்று வருகிறார். அவருக்கு மருத்துவர்கள் தீவிர சிகிச்சை பிரிவில் சிகிச்சை அளித்து வருகின்றனர். அவரது உடல்நிலை கடந்த சில நாட்களுக்கு முன்னர் நல்ல முறையில் தேறி வந்தாலும் திடீரென அவர் கவலைக்கிடமாக இருப்பதாகவும் இதனை அடுத்து அவருக்கு வென்டிலேட்டர் உதவியுடன் சிகிச்சை அளிக்கப்பட்டு வருவதாகவும் செய்திகள் வெளியானது.

இந்த நிலையில் தினந்தோறும் எஸ்பி பாலசுப்பிரமணியம் அவர்களின் உடல்நிலை குறித்து அவரது மகன் எஸ்பிபி சரண் அவர்கள் தனது சமூக வலைத்தள பக்கத்தில் அப்டேட் செய்து வருகிறார் என்பது தெரிந்ததே.

இந்த நிலையில் எஸ்பி பாலசுப்ரமணியம் அவர்கள் உடல்நிலை குறித்து மருத்துவமனை நிர்வாகம் சற்றுமுன் அறிக்கை ஒன்றை வெளியிட்டுள்ளது. அந்த அறிக்கையில் எஸ்பி பாலசுப்பிரமணியம் அவர்கள் தொடர்ந்து கவலைக்கிடமாக இருப்பதாகவும், வென்டிலேட்டர், எக்போ கருவி உதவியுடன் தான் அவருக்கு சிகிச்சை அளிக்கப்பட்டு வருவதாகவும், மருத்துவ வல்லுனர்கள் தொடர்ந்து அவருக்கு சிகிச்சை அளித்து அவரது உடல்நிலையை கண்காணித்து வருகின்றனர் என்றும் தெரிவிக்கப்பட்டுள்ளது. இதனால் பெரும் பரபரப்பு ஏற்பட்டுள்ளது.