పోలీసులకు ఫిర్యాదు చేసిన సింగర్ మధుప్రియ.. ఏం జరిగిందంటే ?
- IndiaGlitz, [Saturday,May 22 2021]
తెలుగులో టాలెంట్ ఉన్న యంగ్ సింగర్స్ లో మధుప్రియ ఒకరు. మధుప్రియ తరచుగా వార్తల్లో నిలుస్తుండడం చూస్తూనే ఉన్నాం. ఆమె వ్యక్తిగత విషయాలు కూడా గతంలో వార్తల్లో కెక్కాయి. ఇదిలా ఉండగా తాజాగా ఆమె పోలీసులని ఆశ్రయించారు.
గత కొన్నిరోజులుగా మధుప్రియకు బ్లాంక్ కాల్స్ వస్తున్నాయట. గుర్తు తెలియని వ్యక్తుల నుంచి వస్తున్న ఈ కాల్స్ చికాకు పుట్టించే విధంగా మారడంతో ఆమె పోలీసులకు ఫిర్యాదు చేయక తప్పలేదు. తనకు వచ్చిన కాల్ డేటాతో ఆమె షీటీమ్స్ కు ఈ-మెయిల్ చేశారు. ఆ కాల్ డేటాని పరిశీలించిన షీటీమ్స్ కేసుని సైబర్ క్రైమ్ కు బదిలీ చేశారు.
ఇదీ చదవండి: నీ కన్నా ఏజ్ ఎక్కువున్న నటితో డేటింగ్ ?.. హీరో ఆన్సర్ విన్నారా!
పోలీసులు ఐపీసీ సెక్షన్ 509, 354 బి కింద కేసు నమోదు చేసి దర్యాప్తు చేస్తున్నారు. మధుప్రియ పాడేపాటలు బాగా పాపులర్ అవుతూ ఉంటాయి. ఫిదా చిత్రంలో 'వచ్చిండే ', సరిలేరు నీకెవ్వరులో 'హి ఈజ్ సో క్యూట్' పాటలు బాగా అలరించాయి. మధుప్రియ బిగ్ బాస్ సీజన్ 1 లో కంటెస్టెంట్ గా పాల్గొన్న సంగతి తెలిసిందే.