எங்கள் தலைமுறையில் முதல் நபர்.. குடும்பத்திற்கு பெருமை சேர்த்த அந்தோணி தாஸ் மகள்..!
- IndiaGlitz, [Friday,August 04 2023]
பிரபல பாடகர் அந்தோணி தாஸ் தலைமுறையில் முதல் நபராக அவரது மகள் பட்டதாரியாகி உள்ளதை அடுத்து அவருக்கு வாழ்த்துக்கள் குவிந்து வருகிறது.
கருணாஸ் நடித்த ’திண்டுக்கல் சாரதி’ என்ற திரைப்படத்தில் ’திண்டுக்கல்லு திண்டுக்கல்லு’ என்ற பாடலின் மூலம் பாடகர் ஆக அறிமுகமானவர் அந்தோணி தாஸ். இதனை அடுத்து அவர் ’சூதுகவ்வும்’, ’வருத்தப்படாத வாலிபர் சங்கம்’ ’ஜிகர்தண்டா’ ’முண்டாசுப்பட்டி’ உள்ளிட்ட பல திரைப்படங்களில் பாடியுள்ளார்.
குக் வித் கோமாளி நிகழ்ச்சியில் போட்டியாளராக கலந்து கொண்டவர் அந்தோணி தாஸ், தற்போது சூப்பர் சிங்கர் நிகழ்ச்சியில் நடுவராகவும் உள்ளார் என்பது குறிப்பிடத்தக்கது.
இந்த நிலையில் அந்தோணி தாஸ் நாட்டுப்புறக் கலைஞர் ரீட்டா என்பவரை திருமணம் செய்து கொண்ட நிலையில் இவரது மகள் தற்போது கல்லூரி படிப்பை முடித்து முடித்து பட்டதாரி ஆகி உள்ளார். இது குறித்த புகைப்படம் இணையதளங்களில் வைரல் ஆன நிலையில் எங்கள் தலைமுறையில் முதல் பட்டதாரி என்று பெருமையுடன் தனது மகளின் புகைப்படத்தை சமூக வலைதளங்களில் பதிவு செய்துள்ளார்.