இசையமைப்பாளராகும் பிரபல பின்னணி பாடகர்
- IndiaGlitz, [Tuesday,August 27 2019]
பிரபல பின்னணி பாடகர்களான எஸ்பிபி, கேஜே ஜேசுதஸ் உள்ளிட்ட பலர் இசையமைப்பாளர் அவதாரம் எடுத்திருக்கும் நிலையில் தற்போது இளம் பின்னணி பாடகர் ஒருவர் இசையமைப்பாளர் ஆகியுள்ளார். அவர்தான் பாடகர் அஜீஸ்.
வெங்கட்பிரபு இயக்கிய 'கோவா' திரைப்படத்தில் யுவன்ஷங்கர் ராஜா இசையில் 'இதுவரை' என்ற பாடல் மூலம் திரையுலகில் அறிமுகமாகி அதன்பின்னர் 'உத்தமபுத்திரன்', 'தெகிடி', 'வடகறி', 'ரெமோ' உள்பட பல திரைப்படங்களில் பாடல்கள் பாடிய அஜீஸ், சூப்பர் சிங்கர் நிகழ்ச்சியிலும் தனது திறமையை நிரூபித்தவர் என்பது குறிப்பிடத்தக்கது.
இந்த நிலையில் தற்போது 'சர்பத்' என்ற படத்தின் மூலம் இசையமைப்பாளர் ஆகியுள்ளார். இந்த படத்திற்காக அஜீஸ் ஐந்து பாடல்களை கம்போஸ் செய்துள்ளதாகவும், ஐந்து பாடல்களும் ஹிட்டாகும் என்ற நம்பிக்கையில் அவர் இருப்பதாகவும் படக்குழுவினர் தெரிவித்தனர்.
செவன் ஸ்கிரீன் ஸ்டியோ சார்பாக லலித்குமார் தயாரிக்கும் திரைப்படம் 'சர்பத்' என்பதும் இந்த படத்தில் கதிர், சூரி உள்பட பலர் நடித்து வருகின்றனர் என்பதும் இந்த படத்தை அறிமுக இயக்குநர் பிரபாகரன் இயக்குகிறார் என்பதும் குறிப்பிடத்தக்கது.