இந்தியாவில் மட்டுமல்ல.. சிங்கப்பூர், ஜப்பானிலும் 'காவாலா' ஜுரம்.. தமன்னாவின் வீடியோ வைரல்..!
- IndiaGlitz, [Wednesday,July 26 2023]
சூப்பர் ஸ்டார் ரஜினிகாந்த் நடித்த ’ஜெயிலர்’ என்ற திரைப்படம் வரும் ஆகஸ்ட் 10ஆம் தேதி வெளியாக இருக்கும் நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது.
குறிப்பாக இந்த படத்தில் இடம்பெற்ற இரண்டு பாடல்கள் மிகப்பெரிய ஹிட் ஆகியுள்ளது என்பது குறிப்பாக ’காவாலா’ என்ற பாடல் எதிர்பாராத வகையில் சூப்பர் ஹிட் ஆகியுள்ளது என்பது குறிப்பிடத்தக்கது.
இதுவரை இந்தியாவில் மட்டுமே இந்த பாடல் வைரலான தற்போது சிங்கப்பூர் ஜப்பான் உள்ளிட்ட நாடுகளிலும் இந்த பாடலுக்கு அந்நாட்டு பொதுமக்கள் நடனமாடும் வீடியோ இணையத்தில் வைரலாகி வருகிறது,.
அந்த வகையில் ஜப்பானில் சேர்ந்த ஒரு பெண்ணும் சிங்கப்பூரை சேர்ந்த ஒரு பெண்ணும் ’காவாலா’ பாடலுக்கு நடனமாடிய வீடியோவை தனது இன்ஸ்டாகிராமில் தமன்னா பகிர்ந்து உள்ள நிலையில் இந்த வீடியோ தற்போது வைரல் ஆகி வருகிறது.வரும் 28ஆம் தேதி ’ஜெயிலர்’ திரைப்படத்தின் இசை வெளியீட்டு விழா பிரமாண்டமாக நேரு ஸ்டேடியத்தில் நடைபெற உள்ளது. அதேபோல் இன்று இந்த படத்தின் மூன்றாவது சிங்கிள் பாடலும் வெளியாக உள்ளது என்பது குறிப்பிடத்தக்கது.
சன் பிக்சர்ஸ் தயாரிப்பில், நெல்சன் இயக்கத்தில், அனிருத் இசையில் உருவாகி இருக்கும் ‘ஜெயிலர்’ திரைப்படத்தில் ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, உட்பட பலர் நடித்துள்ளனர். இந்த படத்திற்கு விஜய் கார்த்திக் கண்ணன் ஒளிப்பதிவும், நிர்மல் படத்தொகுப்பும் செய்துள்ளனர்.