సింగం తెలుగు షోలు ఆగాయి...
- IndiaGlitz, [Thursday,February 09 2017]
సూర్య, అనుష్క, శృతిహాస‌న్‌లు హీరో హీరోయిన్లుగా తమిళంలో స్టూడియో గ్రీన్ పతాకంపై కె.ఇ.జ్ఞానవేల్‌రాజా నిర్మించిన ఈ చిత్రం 'సింగం3'. ఈ సినిమాను తెలుగులో సురక్ష్ ఎంటర్‌టైన్‌మెంట్స్ పతాకంపై బేబి త్రిష సమర్పణలో మల్కాపురం శివకుమార్ తెలుగులో విడుద‌ల చేస్తున్నారు. నిజానికి ఈరోజు అంటే ఫిబ్ర‌వ‌రి 9 సినిమా రిలీజ్ కావాల్సింది.
కానీ ఈరోజు షోలు తెలుగు రాష్ట్రాల్లో క్యాన్సిల్ అయ్యాయి. సాంకేతిక కార‌ణాల‌నీ అంటున్నారు కానీ డిస్ట్రిబ్యూట‌ర్స్ నిర్మాత‌కు డ‌బ్బులు చెల్లించ‌కపోవ‌డంతో నిర్మాత, త‌మిళ నిర్మాత‌ల‌కు డ‌బ్బులు చెల్లించ‌లేక‌పోయాడ‌ట. దాంతో ఇప్పుడు షోలు క్యాన్సిల్ అయ్యాయి. తమిళంలో సినిమా విడుద‌లైంది. కానీ తెలుగులో సింగం సంద‌డి లేదు. ప్ర‌స్తుతం చ‌ర్చ‌ల ద‌శ‌లో ఉన్న ఈ సినిమా ఏ స‌మ‌యానికి విడుద‌ల‌య్యేది త్వ‌ర‌లోనే తెలుస్తుంది..