சூர்யா, அனுஷ்கா, ஸ்ருதிஹாசன் நடிப்பில் ஹரி இயக்கிய சிங்கம் படத்தின் மூன்றாம் பாகமான 'சி 3' திரைப்படம் வரும் 26ஆம் தேதி பிரமாண்டமாக உலகம் முழுவதும் தமிழ், தெலுங்கு என இரண்டு மொழிகளில் வெளியாகவுள்ளது. ஏற்கனவே இரண்டு முறை ரிலீஸ் தேதி அறிவிக்கப்பட்டு பின்னர் எதிர்பாராமல் ஒத்திவைக்கப்பட்ட இந்த படம் இம்முறை குறிப்பிட்ட தேதியில் நிச்சயம் ரிலீஸ் ஆகவுள்ளது சூர்யாவின் ரசிகர்களுக்கு உற்சாகத்தை கொடுத்துள்ளது. மேலும் இந்த படத்திற்கான முன்பதிவும் தொடங்கி விறுவிறுப்பாக நடைபெற்று வருகிறது.

'எஸ் 3' திரைப்படம் ஏற்கனவே சென்சாரில் 'யூ' சான்றிதழ் பெற்று தமிழக அரசின் 30% வரிவிலக்கையும் பெற்றுள்ளது என்பதை பார்த்தோம். தற்போது இந்த படத்தின் ரன்னிங் டைம் குறித்த தகவல்கள் வெளிவந்துள்ளது. இந்த படம் 2 மணி நேரம் 35 நிமிடங்கள் ஓடுகின்றது. ஒரு மாஸ் மசாலா படத்துக்கான சரியான ரன்னிங் டைமை இந்த படம் பெற்றுள்ளது என்பது குறிப்பிடத்தக்கது.

சூர்யாவின் சர்வதேச போலீஸ் கேரக்டர், ஹரியின் விறுவிறுப்பான திரைக்கதை, அனுஷ்கா, ஸ்ருதிஹாசன் என இரண்டு முன்னணி நாயகிகள் ஆகியவை இந்த படத்தின் பாசிட்டிவ்களாக இருப்பதால் இந்த படம் வசூலில் சாதனை படைக்கும் என எதிர்பார்க்கப்படுகிறது.