రూమర్స్ ని ఖండించిన సింగం 3..!
- IndiaGlitz, [Monday,January 23 2017]
త‌మిళ హీరో సూర్య న‌టించిన తాజా చిత్రం సింగం 3. ఈ భారీ యాక్ష‌న్ ఎంట‌ర్ టైన‌ర్ ని హ‌రి తెర‌కెక్కించారు. ఈ చిత్రంలో సూర్య స‌ర‌స‌న అనుష్క, శృతిహాస‌న్ న‌టించారు. స్టూడియో గ్రీన్ బ్యాన‌ర్ పై జ్ఞాన‌వేల్ రాజా ఈ చిత్రాన్ని నిర్మించారు. తెలుగులో ఈ చిత్రాన్ని నిర్మాత శివ కుమార్ రిలీజ్ చేస్తున్నారు.
ఈ చిత్రం డిసెంబ‌ర్ లో రిలీజ్ కావాలి అయితే అనివార్య కార‌ణాల వ‌ల‌న వాయిదా ప‌డిన విష‌యం తెలిసిందే. ఈనెల 26న సింగం 3 చిత్రాన్ని ప్ర‌పంచ వ్యాప్తంగా రిలీజ్ చేయ‌డానికి ప్లాన్ చేస్తున్నారు. ఇదిలా ఉంటే....త‌మిళ‌నాడులో జ‌ల్లిక‌ట్టు గురించి యువ‌త అంతా ఒక్క‌తాటి పైకి వ‌చ్చి నిర‌స‌న తెలియ‌చేస్తుండ‌డంతో ఈనెల 26న సింగం 3 రిలీజ్ చేయడం లేదు. మ‌రోసారి సింగం 3 వాయిదా ప‌డింది అంటూ ప్ర‌చారం జ‌రుగుతుంది. ఈ ప్ర‌చారానికి స్టూడియో గ్రీన్ సంస్థ ఫుల్ స్టాప్ పెడుతూ ఈరోజు ట్విట్ట‌ర్ లో సింగం 3 ఈనెల 26న ప్ర‌పంచ వ్యాప్తంగా భారీ స్ధాయిలో రిలీజ్ చేస్తున్న‌ట్టు తెలియ‌చేసారు.