తమిళం, తెలుగు భాషల్లో వరుస విజయాలతో మంచి క్రేజ్‌ను, మార్కెట్‌ను సంపాందించుకున్న వెర్సటైల్ కథానాయకుడు సూర్య కథానాయకుడిగా నటిస్తున్న తాజా ప్రతిష్టాత్మక చిత్రం సింగం-3. (ఎస్-3) తెలుగు, తమిళ భాషల్లో ఏకకాలంలో నిర్మిస్తున్నారు. సింగం సిరీస్‌లో భాగంగా రూపొందుతున్న ఈ చిత్రానికి హరి దర్శకత్వం వహిస్తున్నారు. తమిళంలో స్టూడియో గ్రీన్ పతాకంపై కె.ఇ.జ్ఞానవేల్‌రాజా నిర్మిస్తున్నారు. సురక్ష్ ఎంటర్‌టైన్‌మెంట్స్ పతాకంపై మల్కాపురం శివకుమార్ ఈ చిత్రాన్ని తెలుగులో విడుద‌ల చేస్తున్నారు.

ఈ సినిమా డిసెంబ‌ర్ 23న తెలుగు, త‌మిళంలో భారీ రిలీజ్‌కు సిద్ధ‌మ‌వుతుంది. హ‌రీష్ జైరాజ్ సంగీతం అందిస్తున్న ఈ సినిమా ఆడియో విడుద‌లను డిసెంబ‌ర్ 11న విడుద‌ల చేయ‌డానికి చిత్ర‌యూనిట్ ప్లాన్ చేశారు. అయితే తాజా స‌మాచారం ప్ర‌కారం ఈ సినిమా ఆడియో విడుద‌ల కార్య‌క్ర‌మాన్ని డిసెంబ‌ర్ 17న తిరుప‌తిలో విడుద‌ల చేయ‌డానికి స‌న్నాహాలు చేస్తున్నార‌ట‌. ఇప్ప‌టి వ‌ర‌కు సూర్య సినిమా వేడుక‌ల‌కు హైద‌రాబాద్ వేదిక‌గా ఉండేది అయితే ఈసారి మాత్రం సూర్య అండ్ టీం కొత్త‌గా ప్లాన్ చేసింది.