கடந்த ஆண்டு விஜய்சேதுபதி நடித்த 'இமைக்கா நொடிகள்', 'செக்க சிவந்த வானம்', '96', சீத்க்காதி' மற்றும் 'பேட்ட' ஆகிய திரைப்படங்கள் சூப்பர்ஹிட் ஆன நிலையில் இந்த ஆண்டும் அவர் சுமார் அரைடஜன் படங்களுக்கும் மேலாக நடித்து வருகிறார்.

இந்த நிலையில் விஜய்சேதுபதி நடித்து வரும் படங்களில் ஒன்று 'சிந்துபாத்'. இந்த படத்தின் படப்பிடிப்பு விறுவிறுப்பாக நடந்து வரும் நிலையில் இந்த படத்தின் செகண்ட்லுக் மற்றும் டீசர் ரிலீஸ் தேதி இன்று மாலை 6 மணிக்கு அதிகாரபூர்வமாக அறிவிக்கப்படவிருப்பதாக படக்குழுவினர் தெரிவித்துள்ளனர்.

'இறைவி' படத்திற்கு பின் மீண்டும் விஜய்சேதுபதி, அஞ்சலி ஜோடி சேரும் இந்த படத்தை அருண்குமார் இயக்கி வருகிறார். யுவன்ஷங்கர் ராஜா இசையில் விஜய்கார்த்திக் கண்ணன் ஒளிப்பதிவில் ரூபன் படத்தொகுப்பில் உருவாகி வரும் இந்த படத்தை வாசன் மூவீஸ் மற்றும் கே புரடொக்சன்ஸ் நிறுவனங்கள் தயாரித்து வருகின்றன.