அரவிந்தசாமியின் படத்தில் அஜித்-விஜய்யின் ராசியான நடிகை
- IndiaGlitz, [Wednesday,February 22 2017]
தற்போதைய கோலிவுட்டின் ஹாட் நடிகர் அரவிந்தசாமிதான். 'தனி ஒருவன்', 'போகன்' வெற்றிக்கு பின்னர் அவரது கைவசம் படங்கள் குவிந்து வருகிறது. அந்த வகையில் அவர் ஒப்புக்கொண்ட இன்னுமொரு படம் சமீபத்தில் பூஜை போடப்பட்டது. இயக்குனர் செல்வா இயக்கத்தில் அரவிந்தசாமி, ரித்திகாசிங், நந்திதா ஸ்வேதா நடிக்கும் இந்த படத்தின் டைட்டில் 'வணங்காமுடி' என்று கூறப்பட்டாலும், அது படக்குழுவினர்களால் உறுதி செய்யப்படவில்லை
இந்நிலையில் இந்த படத்தில் அஜித், விஜய் படங்களில் நடித்து ராசியான நடிகை என்ற பெயர் பெற்ற பிரபல நடிகை சிம்ரன் முக்கிய வேடத்தில் நடிக்கவுள்ளாராம். சிம்ரன் இந்த படத்தில் போலீஸ் கேரக்டரில் நடிக்கவுள்ளதாக செய்திகள் வெளிவந்துள்ளது.
மேலும் தம்பி ராமையா, சாந்தினி, ஹாசினி, ஹரிஷ் உத்தமன், ராஜ் கபூர், நாகி நீடு, ரமேஷ் பண்டிட் OAK. சுந்தர் மற்றும் பலர் இந்த படத்தில் நடிக்கவுள்ளனர். கோகுல் ஒளிப்பதிவு செய்யும் இந்த படத்திற்கு டி. இமான் இசையமைக்கிறார். இந்த படத்தை மேஜிக் பாக்ஸ் நிறுவனத்தின் சார்பில் கணேஷ் தயாரிக்கவுள்ளார்.