கடந்த சில வருடங்களுக்கு முன் அஜித், விஜய், சூர்யா போன்ற முன்னணி நடிகர்களின் ராசியான நாயகியாக இருந்தவர் சிம்ரன். 'வாலி', 'துள்ளாத மனமும் துள்ளும்', 'பிரியமானவளே', 'அவள் வருவாளா', 'வாரணம் ஆயிரம்' உள்பட பல படங்கள் சிம்ரனின் வெற்றி படங்கள் ஆகும்

இந்த நிலையில் தற்போது கார்த்திக் சுப்புராஜ் இயக்கத்தில் சூப்பர் ஸ்டார் ரஜினிகாந்த் நடித்து வரும் படத்தில் சிம்ரன் நாயகியாக நடிக்க ஒப்பந்தமாகியுள்ளதாக செய்திகள் வெளிவந்துள்ளது. ஏற்கனவே ரஜினியின் 'சந்திரமுகி' படத்தில் ஜோதிகா கேரக்டரில் நடிக்கவிருந்த சிம்ரன், அதன்பின்னர் சில காரணங்களால் அந்த படத்தில் இருந்து விலகினார். இந்த நிலையில் தற்போது ரஜினிக்கு ஜோடியாக நடிக்கும் சந்தர்ப்பம் கிடைத்துள்ளது.

மேலும் விஜய்சேதுபதி வில்லனாக நடிக்கும் இந்த படத்தில் பாபிசிம்ஹா மற்றும் சனாத்ரெடி, ரஜினிக்கு மகன்களாக நடிப்பதாகவும்,  சனாத்ரெட்டிக்கு மேகா ஆகாஷ் ஜோடியாக நடிக்கவுள்ளதாகவும் செய்திகள் வெளிவந்துள்ளது.