பார்த்திபனின் 'கோடிட்ட இடங்களை நிரப்ப வரும் பிரபல நடிகை
- IndiaGlitz, [Tuesday,October 04 2016]
'கதை திரைக்கதை வசனம் இயக்கம்' படத்தை அடுத்து பார்த்திபன் இயக்கும் அடுத்த படம் 'கோடிட்ட இடங்களை நிரப்புக' என்பதையும் இந்த படத்தில் கே.பாக்யராஜின் மகன் சாந்தனு மற்றும் பார்வதி நாயர் ஆகியோர் நாயகன் நாயகியாக நடிக்கவுள்ளார்கள் எனபதையும் ஏற்கனவே பார்த்தோம்.
இந்நிலையில் இந்த படத்தில் முன்னாள் கனவுக்கன்னியும், அஜித்-விஜய் உள்பட முன்னணி நடிகர்களுடன் நடித்த நடிகையுமான சிம்ரன் சிறப்பு தோற்றத்தில் நடிக்க ஒப்பந்தமாகியுள்ளார்.
சிறப்பு தோற்றத்தில் வரும் கேரக்டராக இருந்தாலும் இதுவரை நான் நடித்திராத வித்தியாசமான கேரக்டர் என்றும் அதை படம் பார்க்கும்போது ரசிகர்கள் உணர்வார்கள் என்று கூறிய சிம்ரன் இதற்கு மேல் இப்போதைக்கு இந்த கேரக்டர் குறித்து தன்னால் கூற முடியாது' என்று கூறியுள்ளார்./
ஏற்கனவே சிம்ரன் சமீபத்தில் 'த்ரிஷா இல்லைனா நயன்தாரா, கரையோரம்' ஆகிய படங்களில் சிறப்பு தோற்றத்தில் நடித்துள்ளார் என்பது குறிப்பிடத்தக்கது.