சூப்பர் ஸ்டார் ரஜினிகாந்த் நடிப்பில், நெல்சன் இயக்கத்தில், அனிருத் இசையில் சன் பிக்சர்ஸ் நிறுவனத்தின் பிரமாண்டமான தயாரிப்பில் உருவாகி வரும் திரைப்படம் ’ஜெயிலர்’. இந்த படத்தின் படப்பிடிப்பு முடிவடைந்து தொழில்நுட்ப பணிகள் விறுவிறுப்பாக நடைபெற்று வருகிறது என்பதும் வரும் ஆகஸ்ட் 10ஆம் தேதி பிரமாண்டமாக உலகம் முழுவதும் இந்த படம் வெளியாக உள்ளது என்பதும் தெரிந்ததே.

இந்த நிலையில் சமீபத்தில் இந்த படத்தில் இடம்பெற்ற 'காவாலா’ என்ற பாடல் வெளியானது என்பதும் அதில் தமன்னாவின் கிளாமர் டான்ஸ் மற்றும் ரஜினியின் ஸ்டைல் காட்சிகள் ரசிகர்களை கவர்ந்தது என்பது குறிப்பிடத்தக்கது.

இந்த நிலையில் ரசிகர் ஒருவர் AI என்ற செயற்கை நுண்ணறிவு டெக்னாலஜியில் உருவாக்கிய 'காவாலா’ பாடல் கடந்த சில நாட்களாக வைரலாகி வருகிறது. இந்த வீடியோவில் AI டெக்னாலஜி மூலம் தமன்னாவை அவர் சிம்ரனாக மாற்றியுள்ளார்.

இந்த வீடியோவை தனது இன்ஸ்டாகிராம் பக்கத்தில் பகிர்ந்துள்ள சிம்ரன் ’AI டெக்னாலஜி மேஜிக்’ என்று பாராட்டியுள்ளார். அது மட்டுமின்றி தமன்னாவின் நடனத்திற்கு பாராட்டு தெரிவித்து அவர் இந்த வீடியோவை உருவாக்கிய ரசிகருக்கும் தனது வாழ்த்துக்களை தெரிவித்துள்ளார்.

AI டெக்னாலஜி மூலம் உருவாக்கப்பட்ட இந்த வீடியோவில் அச்சு அசலாக சிம்ரன் இந்த பாடலுக்கு நடனம் ஆடியது போல் இருப்பதை பார்த்து ரசிகர்கள் ஆச்சரியம் அடைந்து வருகின்றனர்.

View this post on Instagram

A post shared by Simran Rishi Bagga (@simranrishibagga)