இளைஞர்களாக மாறிய சிம்ரனின் சிங்கக்குட்டிகள்.. வைரல் குடும்ப புகைப்படம்..!
- IndiaGlitz, [Tuesday,December 26 2023]
நடிகை சிம்ரன் தனது குடும்பத்தினருடன் கிறிஸ்துமஸ் பண்டிகை கொண்டாடிய புகைப்படத்தை தனது சமூக வலைத்தளத்தில் பதிவு செய்துள்ள நிலையில் அந்த புகைப்படத்தில் உள்ள அவரது இரண்டு மகன்களை பார்த்து ரசிகர்கள் ஆச்சரியம் அடைந்துள்ளனர். சிம்ரனின் இரண்டு மகன்களும் இளைஞர்களாக மாறி விட்டதாகவும் அவரது சிங்கக் குட்டிகளுக்கு தங்களது வாழ்த்துக்கள் என்றும் ரசிகர்கள் தெரிவித்துள்ளனர்.
தமிழ் திரையுலகில் கடந்த 2000 ஆம் ஆண்டுகளில் பிரபலமான நடிகையாக இருந்த சிம்ரன், கமல், ரஜினி, அஜித், விஜய், சூர்யா, சரத்குமார், விஜயகாந்த் என கிட்டத்தட்ட அனைத்து பிரபலங்களுடன் இணைந்து நடித்துள்ளார்.
இந்த நிலையில் கடந்த 2003ஆம் ஆண்டு தீபக் பாகா என்பவரை திருமணம் செய்து கொண்ட நிலையில் இந்த தம்பதிக்கு இரண்டு மகன்கள் உள்ளனர். நடிகை சிம்ரன் அவ்வப்போது தனது மகன்கள் மற்றும் கணவருடன் கூடிய குடும்ப புகைப்படங்களை தனது இன்ஸ்டாகிராம் பக்கத்தில் பதிவு செய்து வரும் நிலையில் நேற்று அவர் குடும்பத்துடன் கிறிஸ்துமஸ் கொண்டாடிய புகைப்படத்தை பதிவு செய்துள்ளார்.
அதில் அவரது இரண்டு மகன்கள் மற்றும் கணவருடன் இருக்கும் புகைப்படத்திற்கு ஏராளமான ரசிகர்கள் வாழ்த்துக்களை தெரிவித்து வருகின்றனர். குறிப்பாக இளைஞர்களாகிவிட்ட சிம்ரனின் மகன்கள் விரைவில் அவர்கள் சினிமாவுக்கு வருவார்களா என்ற கேள்விகளையும் ரசிகர்கள் எழுப்பி வருகின்றனர்.