பிரபல இயக்குனர் மணிரத்னம் இயக்கி வரும் 'செக்கச் சிவந்த வானம்' திரைப்படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது. கோலிவுட் திரையுலகின் ஸ்டிரைக் இல்லாமல் இருந்திருந்தால் இந்நேரம் இந்த படத்தின் படப்பிடிப்பு இறுதி கட்டத்தை நெருங்கியிருக்கும்

இந்த நிலையில் தற்போது வெளிவந்துள்ள புதிய தகவலின்படி இந்த படத்தின் முக்கிய வேடங்களில் நடித்து வரும் சிம்பு மற்றும் விஜய்சேதுபதி ஆகிய இருவரும் பல காட்சிகளில் இணைந்து நடித்துள்ளதாக தெரிகிறது. இவர்கள் இருவரும் இணையும் காட்சிகள் அனைத்தும் மாஸ் ஆக இருக்கும் என்றும் எதிர்பார்க்கப்படுகிறது.

இந்த நிலையில் இந்த படத்தில் மட்டுமின்றி படப்பிடிப்பு முடிந்த பின்னரும் இருவரும் ஒருவருடன் ஒருவர் நெருங்கி பழகி நண்பர்களாகிவிட்டதாகவும் கூறப்படுகிறது. எனவே சிம்புவின் நட்பு வட்டாரத்தில் தற்போது விஜய்சேதுபதியும் இணைந்துவிட்டதாகவே தெரிகிறது.

அரவிந்த்சாமி, சிம்பு, விஜய்சேதுபதி, அருண் விஜய், பிரகாஷ்ராஜ், தியாகராஜன், மன்சூர் அலிகான், ஜெயசுதா, ஜோதிகா, அதிதி ராவ், ஐஸ்வர்யா ராஜேஷ், டயானா உள்ளிட்ட பலர் நடிக்கும் இந்த படத்திற்கு. ஏ.ஆர்.ரஹ்மான் இசையமைக்கின்றார்.  சந்தோஷ் சிவன் ஒளிப்பதிவில், ஸ்ரீகர் பிரசாத் படத்தொகுப்பில், வைரமுத்து பாடல் வரிகளில் உருவாகவுள்ள இந்த படம் இந்த ஆண்டின் மிகப்பெரிய எதிர்பார்ப்புக்குரிய படம் என்பது குறிப்பிடத்தக்கது.