ஹன்சிகாவின் 50வது படமான 'மஹா' படத்தில் நடிகர் சிம்பு ஒரு சிறப்பு தோற்றத்தில் நடிக்கவுள்ளதாக வெளியான செய்தியை சமீபத்தில் பார்த்தோம். இந்த நிலையில் இந்த படத்தில் சிம்புவின் கேரக்டர் குறித்த வெளிவராத தகவல் தற்போது வெளிவந்துள்ளது.

'மஹா' படத்தில் சிம்புவின் கேரக்டர் சிறப்புத்தோற்றம் இல்லை என்றும், அவருடைய கேரக்டர் படத்தில் சுமார் அரை மணி நேரம் வரும் அளவிற்கு கதைக்கு முக்கியமான கேரக்டர் என்றும் இயக்குனர் ஜமீல் தெரிவித்துள்ளார்.

முதலில் இந்த கேரக்டரில் என்னை நடிக்க ஹன்சிகா ஐடியா கொடுத்ததாகவும், ஆனால் இந்த கேரக்டருக்கு சிம்பு பொருத்தமாக இருப்பார் என்று நான் கூறியவுடன் அதனை ஹன்சிகா ஏற்றுக்கொண்டதாகவும் ஜமீல் மேலும் கூறினார்.

மேலும் சிம்பு நடிக்கவுள்ள இந்த கேரக்டர் இதுவரை அவர் நடித்திராத வித்தியாசமான கேரக்டர் என்றும், அவருடைய ரசிகர்கள் பல வருடங்கள் மறக்க முடியாத வகையில் இந்த கேரக்டர் இருக்கும் என்றும் அவர் நம்பிக்கை தெரிவித்தார்

தற்போது லண்டனில் இருக்கும் சிம்பு, சென்னை திரும்பியதும் அவருடைய காட்சிகள் குறித்த படப்பிடிப்பு நடைபெறும் என்றும் இயக்குனர் ஜமீல் மேலும் தெரிவித்தார்.