சிவகார்த்திகேயனுக்கு ஆறுதல் கூறிய சிம்பு
- IndiaGlitz, [Wednesday,October 12 2016]
நேற்று நடைபெற்ற 'ரெமோ' படத்தின் நன்றி அறிவிப்பு விழாவில் சிவகார்த்திகேயன் மிக உருக்கமாக பேசியதோடு கண்ணீருடன் தனக்கு பலவிதமான தொல்லைகள் கொடுத்தவர்கள் குறித்து மறைமுகமாக பேசினார் என்பதை அறிவோம்.
இந்நிலையில் இன்று சிம்பு தனது சமூக வலைத்தளத்தில் சிவகார்த்திகேயனுக்கு ஆறுதல் கூறியுள்ளார். அவர் கூறியதாவது: 'இதற்காக வருத்தப்பட வேண்டாம் சிவா. உங்களுக்கு தொல்லை கொடுத்தவர்கள் யார் என்பதை நானும் அறிவேன். அவர்கள் கொடுக்கும் தொல்லைகள் ஒரு வகையில் நல்லதே. கடின உழைப்பின் மூலம் அந்த தொல்லைகள் தவிடுபொடியாகிவிடும். எல்லாவற்றையும் கடவுள் பார்த்து கொள்வார், அவரிடம் விட்டுவிடுங்கள்' என்று கூறியுள்ளார்.
சிவகார்த்திகேயனை போலவே சிம்புவும் பல சோதனைகளை தாண்டி வந்தவர் என்பதால் அந்த வலியின் தாக்கத்தை நன்கு உணர்ந்து சிவகார்த்திகேயனுக்கு ஆறுதல் கூறியுள்ளதாக கோலிவுட்டில் பரபரப்பாக பேசப்பட்டு வருகிறது.
Don't worry shiva .Not only u ,even i know who they r and thats what they r good at .Hard work is all that matters . Leave the rest to god
— STR (@iam_str) October 12, 2016