மாஸ் நடிகரின் படத்திற்காக ஒரு பாடலை பாடி கொடுத்த சிம்பு.. வேற லெவல் தகவல்..!
- IndiaGlitz, [Monday,September 02 2024]
மாஸ் நடிகரின் படத்திற்காக நடிகர் சிம்பு ஒரு பாடலை பாடி கொடுத்திருப்பதாக வெளிவந்திருக்கும் தகவல் ஆச்சரியத்தை ஏற்படுத்தியுள்ளது.
தமிழ் திரையுலகின் முன்னணி நடிகர்களில் ஒருவரான சிம்பு நடிப்பு மட்டும் இன்றி தயாரிப்பு, இயக்கம், பாடல் ஆசிரியர்,பாடகர் என பல்வேறு அவதாரங்களில் ஜொலித்துள்ளார் என்பது தெரிந்தது.
தான் நடிக்கும் படத்தில் மட்டுமின்றி வேறு சில நடிகர்களின் படங்களுக்கும் சிம்பு பாடியுள்ள நிலையில் தற்போது தெலுங்கு திரையுலகின் மாஸ் நடிகர்களில் ஒருவரான பவன் கல்யாண் நடித்து வரும் ’ஓஜி’ திரைப்படத்தில் ஒரு பாடலை பாடி இருப்பதாக தகவல் வெளியாகியுள்ளது.
இந்த நிலையில் பவன் கல்யாண் ஏற்கனவே நடித்து முடித்த ’ஓஜி’ என்ற திரைப்படத்தின் படப்பிடிப்பு முடிவடைந்து விரைவில் ரிலீஸ் ஆகயிருக்கும் நிலையில் இந்த படத்தில் தான் சிம்பு ஒரு பாடலை பாடியுள்ளார் என்ற தகவல் தற்போது கசிந்துள்ளது. இதனால் இந்த படத்திற்கு கூடுதல் எதிர்பார்ப்பு ஏற்பட்டுள்ளது என்பது குறிப்பிடத்தக்கது.
சமீபத்தில் நடந்த ஆந்திர மாநில சட்டமன்ற தேர்தலில் பவன் கல்யாணின் ஜனசேனா கட்சி மாபெரும் வெற்றி பெற்றதை அடுத்து அவருக்கு துணை முதல்வர் பதவி கொடுக்கப்பட்டுள்ளது என்பது குறிப்பிடத்தக்கது.