சிம்புவின் 'மதுரை மைக்கேல்' டீசர் ரிலீஸ் தேதி அறிவிப்பு
- IndiaGlitz, [Saturday,October 01 2016]
ஆதிக் ரவிச்சந்திரன் இயக்கத்தில் சிம்பு முதன்முதலாக மூன்று வித்தியாசமான வேடங்களில் நடித்து வரும் படம் 'அன்பானவன் அசராதவன் அடங்காதவன்'. இந்த படத்தில் சிம்பு, மதுரை மைக்கேல், அஸ்வின் தாதா மற்றும் ஒரு முக்கிய கேரக்டர்களில் நடித்து வருகிறார்.
இந்நிலையில் இந்த படத்தின் 'மதுரை மைக்கேல்' கெட்டப்பின் படப்பிடிப்பு ஏற்கனவே முடிவடைந்ததை அடுத்து இதன் டீசர் தற்போது தயாராகி வருவதாகவும், இந்த டீசரின் அக்டோபர் 8ஆம் தேதி ரிலீஸ் ஆகவுள்ளதாக சிம்புவின் சமூக வலைத்தளத்தில் சற்று முன்னர் அறிவிக்கப்பட்டுள்ளது.
இந்த படத்தில் தமன்னா, ஸ்ரேயா ஆகிய இருவரும் நடித்து வரும் நிலையில் விரைவில் இன்னொரு நாயகியும் இணையவுள்ளார் என்பது குறிப்பிடத்தக்கது. யுவன்ஷங்கர் ராஜா இசையமைக்கும் இந்த படத்தை மைக்கேல் ராயப்பன் அவர்கள் பெரும் பொருட்செலவில் தயாரித்து வருகிறார்.