கடந்த சில வாரங்களாக தாய்லாந்து நாட்டில் படப்பிடிப்பு மற்றும் சுற்றுப்பயணத்தில் ஈடுபட்டிருந்த சிம்பு, சென்னை திரும்பியதும் ரசிகர் மன்ற முக்கிய நிர்வாகிகளை சந்திக்கவிருப்பதாகவும், அப்போது ரசிகர் மன்றத்தில் மேற்கொள்ள வேண்டிய மாற்றங்கள் குறித்து விவாதிக்கவிருப்பதாகவும், சமூக நலன் சார்ந்து சில முக்கிய முடிவுகளை அவர் எடுக்கவிருப்பதாகவும் செய்திகள் வெளிவந்தன.

இந்த நிலையில் இன்று சென்னை திரும்பியுள்ளார் சிம்பு. சென்னை விமான நிலையத்தில் இருந்து அவர் வெளியே வரும் காட்சிகள் குறித்த புகைப்படங்கள் தற்போது வைரலாகி வருகிறது. பெரிய தாடியுடன், ஸ்லிம் உடம்புடன் இருக்கும் சிம்புவின் அடுத்த கட்ட நடவடிக்கை என்னவாக இருக்கும் என்பதை பொறுத்திருந்து பார்ப்போம்

சிம்பு தற்போது ஹன்சிகாவின் ‘மஹா’ படத்தில் சிறப்பு தோற்றத்தில் நடித்து வருகிறார். மேலும் கவுதம் கார்த்திக்குடன் ஒரு ஆக்சன் படத்தில் நடித்து வரும் சிம்பு, ‘மாநாடு’ படத்தில் இருந்து நீக்கப்பட்டதை அடுத்து ‘மகாமாநாடு’ என்ற படத்தில் நடிக்கவிருப்பதாகவும் செய்திகள் வெளிவந்தன என்பது குறிப்பிடத்தக்கது