கடந்த சில ஆண்டுகளாக தமிழில் வெளியாகும் சூப்பர் ஹிட் படங்கள் பிற மொழிகளிலும், பிற மொழிகளில் வெளியாகி சூப்பர் ஹிட்டான படங்கள் தமிழ் மொழியிலும் ரீமேக் செய்யப்படுவது வழக்கமான ஒன்றாக உள்ளது. 

இந்த நிலையில் அல்லு அர்ஜுன் நடித்த சூப்பர் ஹிட் வெற்றி பெற்ற ’Ala Vaikunthapurramuloo’என்ற தெலுங்கு படத்தை தமிழில் ரீமேக் செய்ய சிம்பு மற்றும் சிவகார்த்திகேயன் தரப்பினர் போட்டி போடுவதாக தகவல்கள் வெளிவந்துள்ளது.

சிம்பு நடிப்பில் ’வாலு’ திரைப்படத்தையும், விக்ரம் நடிப்பில் ’ஸ்கெட்ச்’ திரைப்படத்தையும் இயக்கிய இயக்குனர் விஜய்சந்தர் இந்த படத்தை தமிழில் ரீமேக் செய்ய திட்டமிட்டுள்ளதாகவும் இந்த படத்தில் அல்லு அர்ஜுன் கேரக்டரில் சிம்புவை நடிக்க அவர் பேச்சுவார்த்தை நடத்தி வருவதாகவும் கூறப்படுகிறது.

இந்த நிலையில் இதேபோல் அல்லு அர்ஜுன் நடித்த இந்த படத்தின் தமிழ் ரீமேக் உரிமையை சிவகார்த்திகேயன் பெற முயற்சித்து வருவதாகவும் தகவல்கள் வெளிவந்துள்ளது சிம்பு மற்றும் சிவகார்த்திகேயன் ஆகிய இருவரில் யார் இந்த படத்தின் தமிழ் ரீமேக்கில் நடிப்பார்கள் என்பதை பொறுத்திருந்து பார்ப்போம்.