'சூர்யா 44' படத்தில் இணைந்த சிம்பு பட நடிகர்.. அந்தமான் விரைவதாக தகவல்..!
- IndiaGlitz, [Sunday,June 23 2024]
சூர்யா நடிப்பில், கார்த்திக் சுப்புராஜ் இயக்கத்தில் உருவாகி வரும் ’சூர்யா 44’ படத்தின் படப்பிடிப்பு தற்போது அந்தமானில்ல் நடைபெற்று வரும் நிலையில் இந்த படத்தில் சிம்பு படத்தில் நடித்த மலையாள நடிகர் இணைவதாகவும் அவர் படப்பிடிப்பில் கலந்து கொள்ள அந்தமான் விரைவதாகவும் தகவல் வெளியாகி உள்ளன.
கடந்த சில நாட்களுக்கு முன் அந்தமானில் ’சூர்யா 44 ’படத்தின் படப்பிடிப்பு தொடங்கிய நிலையில் அங்கு அதிரடி ஆக்சன் காட்சிகள் மற்றும் பாடல் காட்சிகள் படமாக்கப்பட்டு வருவதாகவும் குறிப்பாக துறைமுகத்தில் உள்ள கப்பல் ஸ்டண்ட் காட்சிகள் விறுவிறுப்பாக நடைபெற்று வருவதாகவும் கூறப்படுகிறது.
இந்த நிலையில் இந்த படத்தில் ’ரசவாதி’ படத்தில் நடித்த பிரபல மலையாள நடிகர் சுஜித் ஷங்கர் என்பவர் இணைந்து உள்ளதாகவும் அவர் படப்பிடிப்பில் கலந்து கொள்ள அந்தமான் சென்று இருப்பதாகவும் தகவல் வெளியாகியுள்ளன. இவர் ஏற்கனவே தமிழில் அஜித் நடித்த ’நேர்கொண்ட பார்வை’ சிம்பு, ஹன்சிகா நடித்த ’மஹா’ மற்றும் ரசவாதி ஆகிய படங்களில் நடித்த நிலையில் தற்போது ’சூர்யா 44 ’படத்திலும் இணைகிறார் என்பது குறிப்பிடத்தக்கது
சூர்யா ஜோடியாக பூஜா ஹெக்டே நடிக்கும் இந்த படத்தில் ஜோஜு ஜார்ஜ், கருணாகரன், ஜெயராம் உள்ளிட்டோர் முக்கிய கேரக்டர்களில் நடிக்கவுள்ளனர். சந்தோஷ் நாராயணன் இசையில், ஜாக்சன் கலை இயக்கத்தில், பிரவீன் ராஜா காஸ்ட்யூம் டிசைனில், ஜெயிக்கா ஸ்டண்ட் இயக்கத்தில் சபிக் முகமது அலி படத்தொகுப்பில் ஸ்ரேயா கிருஷ்ணா ஒளிப்பதிவில் இந்த படம் உருவாகவுள்ளது. மேலும் இந்த படத்தை 2டி என்டர்டெயின்மென்ட் மற்றும் ஸ்டோன் பென்ச் நிறுவனங்கள் இணைந்து தயாரித்து வருகின்றன.