சிம்பு பிறந்த நாளில் ரசிகர்களுக்கு கிடைக்கும் 36 வினாடி விருந்து!
- IndiaGlitz, [Wednesday,February 02 2022]
நடிகர் சிம்புவின் பிறந்த நாள் நாளை கொண்டாட இருக்கும் நிலையில் நாளை அவர் நடித்து வரும் இரண்டு படங்களின் அப்டேட் வரும் என்றும் சிம்பு ரசிகர்களுக்கு இரட்டை விருந்து காத்திருப்பதாகவும் ஏற்கனவே செய்திகள் வெளியானது.
இந்த நிலையில் இன்று சரியாக நள்ளிரவு 11.52 மணிக்கு சிம்பு நடித்து வரும் படங்களில் ஒன்றான ’பத்து தல’ படத்தின் 36 வினாடிகள் கிளிம்ப்ஸ் வீடியோ வெளியாக இருப்பதாகவும் ஸ்டுடியோ கிரீன் நிறுவனத்தின் யூடியூப் சேனலில் வெளியாக இருக்கும் இந்த வீடியோ மிக பெரிய வரவேற்பை பெறும் என்று கூறப்படுகிறது.
அதேபோல் சிம்பு நடித்துவரும் ’வெந்து தணிந்தது காடு’ படத்தின் ஆச்சரியமான அறிவிப்பு ஒன்றும் நாளை வெளியாகும் என்று எதிர்பார்க்கப்படுகிறது. மொத்தத்தில் நாளை சிம்பு பிறந்தநாளை கொண்டாடும் அவரது ரசிகர்களுக்கு சரியான விருந்து காத்திருக்கிறது என்பது மட்டும் தெளிவாக தெரிகிறது.
‘வெந்து தணிந்தது காடு’, ‘பத்து தல’ படங்களை அடுத்து சிம்பு, ‘கொரோனா குமார்’ என்ற படத்தில் நடிக்கவுள்ளார் என்பதும், கோகுல் இயக்கும் இந்த படத்தின் நாயகியாக அதிதிஷங்கர் நடிக்கவுள்ளதாகவும் கூறப்படுகிறது.