'மாஸ்டர்' படத்துடன் மோத முடிவு செய்த பிரபல நடிகர்: இதற்கு முன் மோதியபோது என்ன ஆயிற்று?
- IndiaGlitz, [Saturday,December 19 2020]
தளபதி விஜய் நடித்து முடித்துள்ள ’மாஸ்டர்’ திரைப்படம் வரும் பொங்கல் விருந்தாக வெளியாகும் என்றும் அந்தப் படம் ஜனவரி 13-ஆம் தேதி வெளியாக அதிக வாய்ப்புகள் உள்ளதாக நம்பத்தகுந்த வட்டாரங்களில் இருந்து தகவல்கள் வெளிவருகின்றன. மேலும் வரும் ஜனவரி 1ஆம் தேதி ’மாஸ்டர்’ படத்தின் டிரைலர் வெளியாகும் போது அதில் அதிகாரபூர்வமாக ரிலீஸ் தேதியும் அறிவிக்கப்படும் என்று எதிர்பார்க்கப்படுகிறது
இந்த நிலையில் ’மாஸ்டர்’ திரைப்படம் பொங்கல் தினத்தில் வெளியாவதால் ஏற்கனவே பொங்கல் தினத்தில் வெளியிட திட்டமிட்டிருந்த ஒருசில திரைப்படங்களின் ரிலீஸ் தேதி ஒத்தி வைக்கப்பட்டுள்ளதாகவும், பொங்கல் தினத்தில் ’மாஸ்டர்’ மட்டுமே வெளியாகும் என்று திரையுலக வட்டாரங்கள் கூறி வந்தன
ஆனால் தற்போது வந்துள்ள தகவலின்படி சிம்பு நடித்து முடித்துள்ள ’ஈஸ்வரன்’ திரைப்படமும் பொங்கல் விருந்தாக வெளியாக வாய்ப்பு இருப்பதாக கூறப்படுகிறது. இந்த படத்தின் தமிழக ரிலீஸ் உரிமையை 7ஜி நிறுவனத்தின் சிவா அவர்கள் பெற்றுள்ளதாகவும் ஜனவரி 14ஆம் தேதி இந்த படத்தை ரிலீஸ் செய்ய அவர் திட்டமிட்டு இருப்பதாகவும் தகவல்கள் வெளிவந்துள்ளன. தமிழகத்தில் உள்ள பெரும்பாலான திரையரங்குகளில் ’மாஸ்டர்’ ரிலிசாகும்போது ’ஈஸ்வரன்’ படத்துக்குத் திரையரங்குகள் கிடைக்குமா? என்பதை பொறுத்திருந்துதான் பார்க்கவேண்டும்
இந்த நிலையில் ஏற்கனவே விஜய் மற்றும் சிம்பு படங்கள் இதற்கு முன் ஒருசில முறை மோதி உள்ளன என்பது குறிப்பிடத்தக்கது. விஜய் நடித்த ’பகவதி’ திரைப்படமும், சிம்பு நடித்த முதல் படமான ’காதல் அழிவதில்லை’ திரைப்படமும் ஒரே நாளில் வெளியானது என்பதும் அதேபோல் விஜய் நடித்த ’ஆதி’ மற்றும் சிம்பு நடித்த ’சரவணா’ ஆகிய இரண்டு படங்களும் ஒரே நாளில் வெளியானது என்பது குறிப்பிடத்தக்கது
மேலும் கடந்த 2012ஆம் ஆண்டு தீபாவளி தினத்தில் விஜய் நடித்த ’துப்பாக்கி’ மற்றும் சிம்பு நடித்த ’போடா போடி’ ஆகிய படங்களும் ஒரேநாளில் வெளியானது. ஒரே நாளில் விஜய், சிம்பு படங்கள் ரிலீஸானபோது அதன் ரிசல்ட் என்ன என்பதை சொல்ல வேண்டிய அவசியமில்லை. இதேபோல் வரும் பொங்கல் தினத்தில் விஜய், சிம்பு படங்கள் ரிலீஸ் ஆகுமா? என்பதை பொறுத்திருந்து பார்ப்போம்