பீப் பாடல் விவகாரம்: சிம்பு மீதான வழக்கில் அதிரடி உத்தரவு!
- IndiaGlitz, [Wednesday,February 16 2022]
கடந்த சில ஆண்டுகளுக்கு முன்பு சிம்புவின் பீப் பாடல் குறித்த விவகாரம் பெரும் பரபரப்பை ஏற்படுத்திய நிலையில் இது குறித்து நீதிமன்றத்தில் வழக்கு தொடுக்கப்பட்டது. இந்த வழக்கில் இன்று சென்னை உயர்நீதிமன்றம் அதிரடி உத்தரவு பிறப்பித்துள்ளது.
கடந்த 2015ஆம் ஆண்டு பீப் பாடல் விவகாரம் பெரும் பரபரப்பை ஏற்படுத்தியதை அடுத்து நடிகர் சிம்புவுக்கு எதிராக கோவை ரேஸ்கோர்ஸ் காவல்துறை வழக்கு பதிவு செய்தது. இந்த வழக்கு கடந்த சில ஆண்டுகளாக நடைபெற்று வந்த நிலையில் இந்த வழக்கை ரத்து செய்து சென்னை உயர்நீதிமன்றம் உத்தரவு பிறப்பித்துள்ளது
கோவை மாஜிஸ்திரேட் விசாரணை அறிக்கையில் சிம்புவுக்கு எதிரான புகாருக்கு ஆதாரம் இல்லை என்பதால் வழக்கு ரத்து செய்யப்படுவதாக நீதிபதி தனது உத்தரவில் தெரிவித்துள்ளார்
பீப் பாடல் விவகாரம் குறித்து மாதர் சங்கம் உள்ளிட்ட ஒருசில அமைப்புகள் சிம்பு மீது கடுமையான விமர்சனம் வைத்த நிலையில் தற்போது அந்த வழக்கு ரத்து செய்யப்பட்டுள்ளது என்பது குறிப்பிடத்தக்கது.