சிம்புவின் 'வல்லவன்' ரீரிலீஸ் படத்தை பார்த்து ஆச்சரியம் அடைந்த ரசிகர்கள்.. அன்-கட் வெர்ஷனா?
- IndiaGlitz, [Wednesday,December 20 2023]
சிம்பு நடித்து இயக்கிய ‘வல்லவன்’ திரைப்படம் சமீபத்தில் ரீ ரிலீஸ் செய்யப்பட்ட நிலையில் அந்த படத்தை பார்த்த ரசிகர்கள் ஆச்சரியம் அடைந்துள்ளனர்.
கடந்த சில வாரங்களாக ஏற்கனவே ரிலீஸ் ஆகி வெற்றி பெற்ற படங்கள் மீண்டும் ரிலீஸ் ஆகி வருகின்றன என்பதை பார்த்து வருகிறோம். கமலஹாசனின் ’ஆளவந்தான்’ ரஜினியின் ’முத்து’ சூர்யாவின் ’வாரணம் ஆயிரம்’ தனுஷின் சில படங்கள் ரீ ரிலீஸ் ஆகி வருகின்றன.
அந்த வகையில் சிம்பு, நயன்தாரா நடிப்பில் சிம்புவின் இயக்கத்தில் உருவான ’வல்லவன்’ திரைப்படம் சமீபத்தில் ரீ ரிலீஸ் செய்யப்பட்டது. இந்த படத்தை பார்த்த ரசிகர்கள் 2006ஆம் ஆண்டு ரிலீஸ் ஆனபோது இல்லாத பல காட்சிகள் இருப்பதை பார்த்து ஆச்சரியமடைந்தனர்.
எனவே இந்த படம் அன்-கட் வெர்ஷனாக வெளியாகி இருக்கலாம் என்று ரசிகர்கள் மத்தியில் கருத்துக்கள் பரவியது. ஆனால் படக்குழுவினர் இதுகுறித்து கூறிய போது, ‘ இந்த படத்தின் உண்மையான நீளம் இதுதான் என்றும் ஆனால் ரிலீஸ் நேரத்தில் இந்த படத்தின் சில காட்சிகள் கட் செய்யப்பட்டதாகவும் தற்போது எந்தவித கட் இல்லாமல் முழுமையான படம் ரிலீஸ் ஆகியிருப்பதாகவும் தெரிவித்துள்ளனர்.
கடந்த 2006ஆம் ஆண்டு ரிலீஸ் ஆன போது இல்லாத பல காட்சிகள் தற்போது ரீரிலீசில் இருப்பதை பார்த்து சிம்பு ரசிகர்கள் உற்சாகமாக உள்ளனர் என்பது குறிப்பிடத்தக்கது.