హీరో శింబు త‌న సినిమాల్లో ఏదో ఒక కొత్త‌దనం ఉండాల‌నుకుని ఆ దిశ‌గా ప్ర‌య‌త్నాలు చేస్తుంటాడు. త‌న సినిమాల‌కు త‌నే ఫైట్స్ కంపోజ్ చేసుకుంటాడు. పాట‌లు పాడ‌తాడు, మ్యూజిక్ అందిస్తాడు. డ్యాన్సులు సమ‌కూరుస్తాడు. ద‌ర్శ‌క‌త్వం చేస్తాడు. ఇలా అన్ని విభాగాల్లో ఎక్క‌డో ఒక‌చోట త‌న పాత్ర ఉండేలా శింబు కేర్ తీసుకుంటాడు.

ఇప్పుడు శింబు మ‌రో ఎక్స్‌పెరిమెంటల్ మూవీ చేయ‌డానికి సిద్ధ‌మ‌య్యాడు. ఇందులో ప్ర‌త్యేకత ఏంటంటే ఈ సినిమాలో పాట‌లు ఉండ‌వు స‌రిక‌దా, ఇంట‌ర్వెల్ కూడా ఉండ‌ద‌ట‌. ఇప్ప‌టి వ‌ర‌కు ద‌క్షిణాదిసినిమాల్లో పాట‌లు లేని సినిమాలో అరుదుగా ఉంటుందేమో కానీ ఇంట‌ర్వెల్ లేని సినిమా మాత్రం లేదు. కానీ తొలిసారి ఇంర్వెల్ లేకుండా శింబు సినిమా చేయ‌నుండ‌టం అనేది ఓ ప్ర‌యోగ‌మే. ఈ చిత్రాన్ని శింబు తండ్రి టి.రాజేంద్ర‌న్ నిర్మించ‌నున్నాడు. యువ‌న్ శంక‌ర్ రాజా ఈ చిత్రానికి సంగీతం అందిస్తాడు.