கம்போஸிங் ஓவர். விரைவில் ரிக்கார்டிங். ஆச்சரியம் தரும் சிம்புவின் சுறுசுறுப்பு
- IndiaGlitz, [Monday,January 02 2017]
பொதுவாக சிம்பு படப்பிடிப்புக்கு தாமதமாக வருவார் என்றும் அவரது படங்கள் தாமதமாக வெளியாகும் என்றும் கூறப்படுவதுண்டு. ஆனால் சந்தானம் நடிக்கவுள்ள 'சக்க போடு போடு ராஜா' படத்திற்கு இசையமைக்க சமீபத்தில் ஒப்புக்கொண்ட சிம்பு, தற்போது பாடல்கள் கம்போஸிங்கை முடிந்துவிட்டதாகவும், ரிகார்டிங் பணிகள் விறுவிறுப்பாக நடைபெற்று வருவதாகவும் சமூக வலைத்தளத்தில் தெரிவித்துள்ளார்.
சிம்புவின் இந்த சுறுசுறுப்பை பார்த்து கோலிவுட் திரையுலகமே ஆச்சரியம் அடைந்துள்ளது. சிம்பு ஏற்கனவே பல தனிப்பாடல்கள் இசையமைத்திருந்தாலும் திரைப்படத்திற்கு என முதன்முதலில் இசையமைத்துள்ளதால் இந்த படத்தின் பாடல்களை கேட்க அனைவரும் ஆர்வத்துடன் உள்ளனர்.
சந்தானம், வைபவி, விவேக், விடிவி கணேஷ், ரோபோசங்கர் உள்பட பலர் நடிக்கவுள்ள இந்த படத்தை சேதுராமன் இயக்கவுள்ளார். விடிவி புரடொக்ஷன்ஸ் நிறுவனம் தயாரிக்கும் இந்த படத்திற்கு அபிநந்தன் ராமானுஜம் ஒளிப்பதிவும், அந்தோணி படத்தொகுப்பும் செய்கின்றனர்.