నయనపై కేసు ఫైల్ చేయలేదంటున్న శింబు...
- IndiaGlitz, [Thursday,September 03 2015]
మలయాళ ముద్దుగుమ్మ నయనతార గతంలో తమిళ హీరో శిలంబరసన్ తో ప్రేమాయణం నడిపింది. తర్వాత వారి మధ్య గొడవలు కావడంతో ఇద్దరూ విడిపోయారు. ఇటీవల ఇద్దరూ కలిసి ఇదు నమ్మ ఆలు' అనే తమిళ సినిమాలో కలిసి నటించారు. దీన్ని శింబు తండ్రి రాజేంద్రన్ నిర్మిస్తున్నారు. అయితే నిన్న నయనతారపై శింబు తండ్రి రాజేంద్రన్ నయనతారపై కేసు ఫైల్ చేయడం హాట్ టాపిక్ గా మారింది.
దీని వెనుక శింబు హస్తం ఉందని వార్తలు వినపడ్డాయి. అయితే ఇందులో తనకేం సంబంధం లేదని, ఈ సినిమా రెండు సాంగ్స్ మినహా పూర్తయింది. ఆ సాంగ్స్ చిత్రీకరణ నిమిత్తం తన తండ్రి రాజేంద్రన్ నయనను కాంటాక్ట్ చేయడానికి ట్రై చేస్తే అందుబాటులో రాలేదు. దాంతో నిర్మాతల మండలిని సంప్రదించి నయన డేట్స్ ఇప్పించాల్సిందిగా కోరాడట. వారు దాన్ని లెటర్ రూపంలో రాసివ్వమని కోరగా రాజేంద్రన్ రాసిచ్చారని, దాన్ని కంప్లైట్ అనుకుంటే ఏం చేయలేమని తనపై వస్తున్న వార్తలకు చెక్ పెట్టాడు శింబు.