தமிழ் திரையுலகில் இந்த ஆண்டு திரையுலகினர்களின் திருமண ஆண்டாக இருக்கும்போல் தெரிகிறது. நடிகை சாயிஷாவை காதல் திருமணம் செய்யும் நடிகர் ஆர்யா, அனிஷாவை திருமணம் செய்யப்போகும் விஷால் என திருமணக்களையில் இருந்து வரும் திரையுலகில் தற்போது சிம்பு வீட்டிலும் ஒரு திருமணம் நடக்கவுள்ளதாக செய்திகள் வெளிவந்தது.

சிம்புவின் சகோதரரும், 'இது நம்ம ஆளு' படத்தின் இசையமைப்பாளருமான குறளரசன் சமீபத்தில் இஸ்லாம் மதத்திற்கு மாறியபோதே அவர் ஒரு முஸ்லீம் பெண்ணை காதலிப்பதாக வதந்தி பரவியது. இந்த நிலையில் வரும் ஏப்ரல் மாதம் குறளரசனுக்கு திருமணம் என்றும், டி ராஜேந்தர் குடும்பத்தினர் திருமண வேலையில் படுபிசியாக இருப்பதாகவும் கூறப்படுகிறது.

இந்த திருமணம் குறித்து டி.ராஜேந்தர் விரைவில் அதிகாரபூர்வ அறிவிப்பை வெளியிடுவார் என எதிர்பார்க்கப்படுகிறது. அப்படியே சிம்புவின் திருமணத்தையும் அவர் அறிவிக்க வேண்டும் என்பதே சிம்பு ரசிகர்களின் கோரிக்கையாக உள்ளது.