தமிழ் திரையுலகின் முன்னணி காமெடி நடிகர் யோகி பாபு அவ்வப்போது நாயகனாக நடித்து வருகிறார் என்பதும் அவர் நாயகனாக நடித்த திரைப்படங்கள் வெற்றி பெற்று வருகின்றன என்பதையும் பார்த்து வருகிறோம்.

அந்த வகையில் இயக்குனர் சிம்புதேவன் இயக்கத்தில் யோகி பாபு முக்கிய வேடத்தில் நடிக்கும் படம் ஒன்றின் அறிவிப்பு வெளியாகியுள்ளது. இந்த படத்திற்கு ’BOAT’ என்ற டைட்டில் வைக்கப்பட்டுள்ளது.

முழுக்க முழுக்க கடலில் உருவாக்கப்படும் இந்த படம் விறுவிறுப்பாகவும் திருப்பங்களும் நிறைந்ததாக இருக்கும் என்று கூறப்படுகிறது. நடுக்கடலில் படகில் யோகி பாபு உட்காந்திருக்க இயக்குனர் சிம்புதேவன் ஆக்சன் சொல்லும் வீடியோ தற்போது இணையதளங்களில் வைரல் ஆகி வருகிறது.

ஜிப்ரான் இசையில் மாதேஷ் மாணிக்கம் ஒளிப்பதிவில் மணிமாறன் படத்தொகுப்பில் உருவாகும் இந்த படத்தை பிரபா பிரேம்குமார் என்பவர் தயாரித்து வருகிறார். ஹாலிவுட் வெளியான ’லைப் ஆஃப் பை’ போலவே இந்த படமும் முழுக்க முழுக்க நடுக்கடலில் ஒரு படகில் நடக்கும் கதையம்சம் கொண்டது என்பதால் இந்த படத்திற்கு நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது