மீண்டும் தொடங்குகிறதா 'வேட்டை மன்னன்'? சிம்பு ரசிகர்களுக்கு செம விருந்து!
- IndiaGlitz, [Monday,March 07 2022]
கடந்த சில ஆண்டுகளுக்கு முன்பு சிம்பு நடிப்பில் நெல்சன் இயக்கத்தில் ’வேட்டை மன்னன்’ என்ற திரைப்படம் உருவாகி வந்த நிலையில் திடீரென அந்த படம் நிறுத்தப்பட்டது. அதன் பின்னர்தான் நெல்சன், ‘கோலமாவு கோகிலா’ என்ற திரைப்படத்தின் மூலம் இயக்குனராக அறிமுகமாகி, அதனை அடுத்து ’டாக்டர்’ என்ற சூப்பர்ஹிட் படத்தை இயக்கி முடித்துவிட்டு, தற்போது தளபதி விஜய்யின் ‘பீஸ்ட்’ படத்தையும் இயக்கி முடித்து விட்டார்.
இந்த நிலையில் அடுத்ததாக இயக்குனர் நெல்சன், சூப்பர் ஸ்டார் ரஜினிகாந்த் நடிக்க இருக்கும் ’தலைவர் 169’ என்ற படத்தை இயக்க உள்ளார் என்பது குறிப்பிடத்தக்கது. இந்த நிலையில் மீண்டும் சிம்பு நடிப்பில் நெல்சன் இயக்கத்தில் உருவான 'வேட்டை மன்னன்’ படத்தை நெல்சன் தொடங்க இருப்பதாகவும் இதற்கு சிம்புவும் ஒப்புதல் கொடுத்து விட்டதாகவும் கூறப்படுகிறது.
அனேகமாக ரஜினிகாந்த் படத்தை முடித்துவிட்டு நெல்சன் ’வேட்டை மன்னன்’ படத்தை இயக்குவார் என்று எதிர்பார்க்கப்படுகிறது. தொடர்ச்சியாக சூப்பர் ஹிட் படங்களை கொடுத்து வரும் நெல்சன் ’வேட்டை மன்னன்’ படத்தையும் சிம்பு ரசிகர்களின் விருப்பத்திற்குரிய படமாக இயக்குவார் என்று எதிர்பார்க்கப்படுவதால் சிம்பு ரசிகர்களுக்கு மாநாடுக்கு பிறகு மீண்டும் ஒரு விருந்து காத்திருப்பதாக கூறப்படுகிறது.