விஜய் ஆண்டனி - விஜய் மில்டன் படத்தில் இணைந்த சிம்பு-தனுஷ் பட நாயகி!
- IndiaGlitz, [Saturday,December 25 2021]
விஜய் ஆண்டனி நடிப்பில், விஜய் மில்டன் இயக்கத்தில் உருவாகி வரும் ’மழை பிடிக்காத மனிதன்’ என்ற திரைப்படத்தில் சிம்பு, தனுஷ் பட நடிகை இணைந்து உள்ளதாக தகவல் வெளியாகியுள்ளது.
விஜய் ஆண்டனி நடிப்பில், விஜய் மில்டன் இயக்கத்தில் உருவாகி வரும் திரைப்படம் ’மழை பிடிக்காத மனிதன்’. இந்த படத்தின் படப்பிடிப்பு டாமன், டையூ என்ற பகுதியில் நடைபெற்று வருகிறது என்பதும் இந்த படத்தின் படப்பிடிப்பு சுமார் 80% முடிந்து விட்டதாகவும் கூறப்படுகிறது.
இந்த நிலையில் இந்த படத்தில் ஒரு முக்கிய கேரக்டரில் நடிக்க இளம் நடிகை ஒருவர் தேவைப்பட்டதாகவும் பல நடிகைகளை பரிசீலனை செய்த பிறகு அந்த கேரக்டருக்கு மேகா ஆகாஷ் தேர்வு செய்யப்பட்டு இருப்பதாகவும் இந்த படத்தின் தயாரிப்பாளர் தனஞ்செயன் தெரிவித்துள்ளார்.
நடிகை மேகா ஆகாஷ் ஏற்கனவே சிம்புவின் ’வந்தா ராஜாவாதான் வருவேன்’ தனுஷின் ’எனை நோக்கி பாயும் தோட்டா’ உள்பட பல படங்களில் நடித்துள்ளார் என்பது குறிப்பிடத்தக்கது. இந்த படத்தில் டாமன் பகுதியை பெண்ணாக மேகா ஆகாஷ் நடிக்கிறார் என்றும், இது ஒரு அதிரடி ஆக்ஷன் படம் என்றும் இந்த படம் தமிழ் சினிமா ரசிகர்களுக்கு புதுமையாக இருக்கும் என்றும் படக்குழுவினர் தெரிவித்துள்ளனர்.
இந்த படத்தின் படப்பிடிப்பு வரும் பிப்ரவரி மாதம் முடிந்து விடும் என்றும், அடுத்த ஆண்டு கோடை விடுமுறையில் இந்த படத்தை வெளியிட திட்டமிட்டிருப்பதாக தகவல்கள் வெளியாகியுள்ளன.