சிம்பு நடிப்பில் தேசிங்கு பெரியசாமி இயக்கத்தில் உருவாக இருக்கும் ’எஸ்டிஆர் 48’ என்ற படத்தின் அறிவிப்பு கடந்த சில ஆண்டுகளுக்கு முன் வெளியானது என்பதும் உலகநாயகன் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தை தயாரிக்க இருப்பதாகவும் கூறப்பட்டது.

ஆனால் திடீரென ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தில் இருந்து விலகிக் கொண்ட நிலையில் பிரபல தெலுங்கு தயாரிப்பு நிறுவனம் ஒன்று இந்த படத்தை தயாரிக்க இருப்பதாகவும் இது ஒரு பேச்சு வார்த்தை நடந்து வருவதாகவும் கூறப்பட்டது

இந்த நிலையில் தற்போது வந்துள்ள தகவல் படி சிம்புவே இந்த படத்தை தயாரிக்க இருப்பதாகவும் இது குறித்து அறிவிப்பு விரைவில் வெளியாகும் என்றும் கூறப்படுகிறது. ஏற்கனவே ஆரம்ப கட்ட பணிக்கு ஒரு பெரிய தொகையை சிம்பு கொடுத்து விட்டதாகவும் விரைவில் படப்பிடிப்பு தொடங்கும் என்றும் கூறப்படுகிறது.

தேசிங்கு பெரியசாமி கூறிய கதை சிம்புவுக்கு மிகவும் பிடித்துவிட்டதால், இந்த படத்தை கைவிட அவருக்கு மனசு இல்லை என்றும் அதனால் அவரே தயாரிப்பாளராக மாறிவிட்டதாகவும் கூறப்படுகிறது