தமிழ் சினிமாவில் நாவல்களை வைத்து படம் எடுக்கும் வழக்கம் பல ஆண்டுகளாக இருந்து வருகிறது. சிவாஜி கணேசன் நடித்த ’தில்லானா மோகனாம்பாள்’ முதல் சமீபத்தில் வெளிவந்த ’அசுரன்’ வரை பல திரைப்படங்கள் நாவலின் அடிப்படையில் உருவானது என்பது குறிப்பிடத்தக்கது. தற்போது கூட ’பொன்னியின் செல்வன்’ என்ற திரைப்படம் கல்கி எழுதிய ’பொன்னியின் செல்வன்’ நாவலில் அடிப்படையில் தான் உருவாகி வருகிறது என்பது குறிப்பிடத்தக்கது

இந்த நிலையில் தற்போது பிரபல நாவலாசிரியர் மா.காமுத்துரை என்பவர் எழுதிய ‘முற்றாத இரவொன்றில்’ என்ற நாவலை அடிப்படையாகக் கொண்டு ஒரு திரைப்படம் உருவாக உள்ளது. இந்த நாவலை திரைப்படமாக்க ’மாநாடு’ திரைப்படத்தின் தயாரிப்பாளர் சுரேஷ் காமாட்சி அவர்கள் உரிமை பெற்றுள்ளதாகவும் இந்த திரைப்படத்தை அவரே இயக்க இருப்பதாகவும் கூறப்படுகிறது

மேலும் ’மாநாடு’ படத்திற்கு பின்னர் மீண்டும் சுரேஷ் காமாட்சி தயாரிப்பு மற்றும் இயக்கத்தில் சிம்பு இந்த படத்தில் முக்கிய வேடத்தில் நடிக்கவிருப்பதாகவும் கூறப்படுகிறது. தயாரிப்பாளர் சுரேஷ் காமாட்சி ஏற்கனவே ’மிக மிக அவசரம்’ என்ற படத்தை இயக்கியுள்ளார் என்பதும், இந்த படம் ஒரு இளம் பெண் காவலர் தனது பணியில் அன்றாடம் சந்திக்கும் அவலங்களை கூறும் படமாக இருந்தது என்பதும் தெரிந்ததே