ரஜினி நடிக்க இருந்த்க கதையில் சிம்பு? முதல் படத்தை சூப்பர் ஹிட்டாக்கிய இயக்குனரின் மாஸ் பிளான்..!
- IndiaGlitz, [Thursday,March 02 2023]
சூப்பர் ஸ்டார் ரஜினிகாந்த் நடிப்பதாக இருந்து அதன் பிறகு கைவிடப்பட்ட படத்தில் தற்போது சிம்பு நடிக்க இருப்பதாகவும் தனது இயக்கத்தில் வெளியான முதல் படத்தை சூப்பர் ஹிட் ஆகிய இயக்குனர் இந்த மாஸ் திட்டத்தை தீட்டி இருப்பதாகவும் கூறப்படுகிறது.
சூப்பர் ஸ்டார் ரஜினிகாந்த் நடிக்க இருந்த திரைப்படத்தை தேசிங்கு பெரியசாமி இயக்குவதாக கடந்த சில மாதங்களுக்கு முன் கூறப்பட்டது. கிட்டத்தட்ட இந்த படம் ஆரம்பகட்ட பணியை தொடங்கும் நிலை ஏற்பட்டதுபோது திடீரென இந்த படம் கைவிடப்பட்டதாக கூறப்பட்டது. இந்த படத்தின் பட்ஜெட் மிகப்பெரியது என்பதால் தான் இந்த திட்டம் கைவிடப்பட்டதாக கூறப்பட்டது.
இந்த நிலையில் ரஜினிகாந்த் நடிக்க இருந்த இந்த படத்தின் கதையை அப்படியே சிம்புவை வைத்து எடுக்க தற்போது இயக்குனர் தேசிங்கு பெரியசாமி திட்டமிட்டுள்ளதாக கூறப்படுகிறது . இதுகுறித்த ஆரம்பகட்ட பேச்சுவார்த்தை முடிந்துவிட்டதாகவும் விரைவில் இந்த படம் குறித்த அறிவிப்பு வெளியாகும் என்றும் கோலிவுட் வட்டாரங்கள் கூறுகின்றன.
தேசிங்கு பெரியசாமி இயக்கத்தில் உருவான முதல் திரைப்படமான ‘கண்ணும் கண்ணும் கொள்ளையடித்தால்’ என்ற படம் மிகப்பெரிய வெற்றி பெற்றது என்பது இந்த வெற்றியை பார்த்த பின்பு தான் சூப்பர் ஸ்டார் ரஜினிகாந்த் அவரை அழைத்தார் என்பதும் தெரிந்ததே.