'அச்சம் என்பது மடமையடா' முதல் நாள் வசூலில் சாதனை
- IndiaGlitz, [Saturday,November 12 2016]
சிம்பு நடிப்பில் கௌதம் மேனன் இயக்கிய 'அச்சம் என்பது மடமையடா' திரைப்படம் நேற்று உலகம் முழுவதும் வெளியாகி விமர்சகர்களின் பாராட்டுக்களை பெற்று வருகிறது. முதல்பாதி ரொமான்ஸ், இரண்டாம் பாதி ஆக்சன் என இரண்டும் சம அளவில் இந்த படத்தில் இருப்பதால் அனைத்து தரப்பு ரசிகர்களையும் இந்த படம் கவர்ந்துள்ளதாக தெரிய வருகிறது.
இந்நிலையில் நேற்றைய முதல் நாளில் சென்னையில் மட்டும் இந்த படம் ரூ.65 லட்சம் வசூல் செய்து சாதனை செய்துள்ளது. இந்த வருடம் வெளியான படங்களில் சூப்பர் ஸ்டார் ரஜினியின் 'கபாலி', இளையதளபதி விஜய்யின் 'தெறி' படங்களை அடுத்து சென்னையில் முதல் நாள் அதிக வசூல் செய்த படமாக கருதப்படுகிறது.
மேலும் சிம்பு நடித்த படங்களில் இந்த படம்தான் சிறந்த ஒப்பனிங் வசூல் படமாகவும் அமைந்துள்ளது. படத்திற்கு கிடைத்த பாசிட்டிவ் ரிசல்ட் காரணமாக இன்றும் நாளையும் நல்ல வசூல் கிடைக்கும் என எதிர்பார்க்கப்படுகிறது.