சிம்பு-ஆதிக்-யுவன் கூட்டணியின் வித்தியாசமான திட்டம்
- IndiaGlitz, [Wednesday,July 06 2016]
மூன்று வித்தியாசமான வேடங்களில் சிம்பு நடிக்கும் 'அன்பானவன் அசராதவன் அடங்காதவன்' படத்தை இயக்குனர் ஆதிக் ரவிச்சந்திரன் இயக்கவுள்ளதாகவும், இந்த படத்திற்காக இசையமைப்பாளர் யுவன்ஷங்கர் ராஜா 9 பாடல்களை கம்போஸ் செய்யவுள்ளதாகவும் வெளிவந்த செய்தியினை ஏற்கனவே பார்த்தோம்.
இந்த ஒன்பது பாடல்களை கம்போஸ் செய்யும் பணியில் யுவன் தீவிரமாக உள்ள நிலையில் ரசிகர்களின் அன்பு வேண்டுகோளுக்கு இணங்க இந்த படத்தின் பாடல்கள் கம்போஸ் ஆக ஆக ஒவ்வொரு பாடல்களையும் ஒன்றன்பின் ஒன்றாக வெளியிட படக்குழுவினர் முடிவு செய்திருப்பதாகவும், அடுத்தடுத்த ஒரு சிறு இடைவெளியில் இந்த படத்தின் பாடல்கள் அனைத்துமே வெகுவிரைவில் வெளிவரவுள்ளதாகவும் கூறப்படுகிறது.
சிம்புவுக்கு ஜோடியாக பிரபல நடிகை ஸ்ரேயா சரண் நடிக்க ஒப்பந்தமாகியுள்ளார். மேலும் இரண்டு நாயகிகளின் தேர்வு நடைபெற்று வருகிறது. இம்மாதம் இந்த படத்தின் படப்பிடிப்பு தொடங்கவுள்ளதாகவும் இந்த படத்தை மைக்கேல் ராயப்பன் மிகுந்த பொருட்செலவில் தயாரிக்க திட்டமிட்டுள்ளதாகவும் செய்திகள் வெளிவந்துள்ளது.