'அச்சம் என்பது மடமையடா' சர்ப்பரைஸ் வீடியோ ரிலீஸ் தேதி மற்றும் நேரம்
- IndiaGlitz, [Wednesday,January 13 2016]
சிம்பு, மஞ்சிமா மோகன் நடிப்பில் இயக்குனர் கவுதம் மேனன் இயக்கி வரும் 'அச்சம் என்பது மடமையடா' படத்தின் டிரைலர் சமீபத்தில் வெளியாகி மாபெரும் வரவேற்பை பெற்றது. பீப் பாடல் விவகாரத்தில் சிம்புவின் இமேஜ் பாதிக்கப்பட்டிருந்த நிலையில் இந்த டிரைலர் வெளியாகி அவரது ரசிகர்களை உற்சாகப்படுத்தியது. இதனை அடுத்து இந்த படத்தில் இடம்பெற்றுள்ள 'தள்ளிப்போகாதே' சிங்கிள் பாடல் பொங்கல் திருநாளில் வெளிவரும் என கடந்த சில நாட்களாக செய்திகள் வெளிவந்தது.
இந்நிலையில் 'அச்சம் என்பது மடமையடா' படக்குழுவினர் 'தள்ளிப்போகாதே' சிங்கிள் குறித்த பத்திரிகையாளர் செய்தி ஒன்றை சற்று முன்னர் வெளியிட்டுள்ளனர். 'அச்சம் என்பது மடமையடா' படத்தின் டிரைலருக்கு கிடைத்த வரவேற்புக்கு நன்றி தெரிவித்து கொள்வதாகவும், 'தள்ளிப்போகாதே' சிங்கிள் பாடலின் பணிகள் நடைபெற்று வருவதாகவும், அதற்கு பதிலாக இந்த படத்தின் சர்ப்பரைஸ் வீடியோ ஒன்று இன்று மாலை 4 மணிக்கு வெளியிடவுள்ளதாகவும் அந்த பத்திரிகை செய்தியில் தெரிவித்துள்ளனர்.