சிம்புவின் 'தாறுமாறு' பாடல் ரிலீஸ் தேதி
- IndiaGlitz, [Tuesday,July 05 2016]
சிம்புவின் 'இதுநம்ம ஆளு' சமீபத்தில் ரிலீசாகி நல்ல வரவேற்பை பெற்ற நிலையில் அவர் நடித்துள்ள 'அச்சம் என்பது மடமையடா' வெகுவிரைவில் ரிலீஸ் ஆகும் என்று எதிர்பார்க்கப்படுகிறது. மேலும் இன்னும் ஒருசில நாட்களில் ஆதிக் ரவிச்சந்திரன் இயக்கத்தில் உருவாகும் சிம்புவின் அடுத்த படமான 'அன்பானவன் அசராதவன் அடங்காதவன்' படத்தின் படப்பிடிப்பு தொடங்கவுள்ளது.
இந்நிலையில் சிம்புவின் நெருங்கிய நண்பர்களில் ஒருவரான விக்ரம்பிரபு நடித்துள்ள 'வீரசிவாஜி' என்ற படத்திற்காக 'தாறுமாறு தக்காளிச்சோறு' என்ற பாடலை சமீபத்தில் சிம்பு பாடினார். டி.இமான் இசையமைத்த இந்த பாடல் வரும் 14ஆம் தேதி வெளியாகவுள்ளதாக செய்திகள் வெளிவந்துள்ளது. இந்த தகவலை இசையமைப்பாளர் டி.இமான் தனது சமூக வலைத்தளத்தில் அதிகாரபூர்வமாக அறிவித்துள்ளார். சிம்பு பாடிய முந்தைய பாடல்கள் போலவே இந்த பாடலும் நல்ல வரவேற்பை பெரும் என்று எதிர்பார்க்கப்படுகிறது.
விக்ரம்பிரபு, ஷாமிலி, ஜான்விஜய், மொட்டை ராஜேந்திரன், ரோபோசங்கர் உள்ளிட்ட பலர் நடித்துள்ள இந்த படத்தை கணேஷ் விநாயக் இயக்கியுள்ளார். எஸ்.நந்தகோபால் தயாரித்துள்ள இந்த படத்தை ஸ்ரீதேனாண்டாள் பிலிம்ஸ் விரைவில் ரிலீஸ் செய்யவுள்ளது.