சிம்பு நடித்து முடித்துள்ள 'அச்சம் என்பது மடமையடா' மற்றும் 'இது நம்ம ஆளு' ஆகிய திரைப்படங்கள் விரைவில் வெளியாகும் என்று எதிர்பார்க்கப்படும் நிலையில் அவர் மீண்டும் 'வாலு' இயக்குனர் விஜய்சந்தர் இயக்கத்தில் ஒரு படம் நடிக்கவுள்ளதாக வந்த செய்தியை ஏற்கனவே பார்த்தோம்.

இந்நிலையில் இந்த படம் தெலுங்கில் சூப்பர் ஹிட் ஆன 'டெம்பர்' என்ற படத்தின் ரீமேக் என்ற தகவல் தற்போது வெளிவந்துள்ளது. ஜூனியர் என்.டி.ஆர், காஜல் அகர்வால் நடித்த சூப்பர் ஹிட் தெலுங்கு படத்தின் ரீமேக் உரிமையை தயாரிப்பாளர் மைக்கேல் ராயப்பா வாங்கி வைத்திருந்ததாகவும், இந்த படத்தின் ரீமேக்கில் தான் சிம்பு நடிக்க விஜய்சந்தர் இயக்குவதாகவும் கூறப்படுகிறது.

ஒரு இளம்பெண்ணை என்கவுண்டர் செய்ததால் ஏற்படும் பிரச்சனைகளை சந்திக்கும் போலீஸ் அதிகாரியான இந்த படத்தின் கதையில் சிம்பு போலீஸ் அதிகாரியாக நடிக்கவுள்ளார். ஏற்கனவே சிம்பு 'குஸ்தி' என்ற படத்தில் போலீஸ் அதிகாரியாக நடித்துள்ளார் என்பது குறிப்பிடத்தக்கது. தெலுங்கில் இந்த படத்தை பூரிஜெகந்நாத் இயக்கியிருந்தார் என்பது குறிப்பிடத்தக்கது.