போக்கிரி ராஜா, தனிக்காட்டு ராஜா, தர்மதுரை, மனிதன் என இவ்வருடம் மட்டுமே நான்கு படங்களுக்கு ரஜினி பட டைட்டில்கள் வைக்கப்பட்டிருக்கும் நிலையில் தற்போது ஐந்தாவதாக சிம்பு நடிக்கவிருக்கும் படத்திற்கும் ரஜினி பட டைட்டில் ஒன்று தேர்வு செய்யப்பட்டிருப்பதாக தகவல்கள் வெளிவந்துள்ளது.

சிம்பு நடிப்பில் ஆதிக் ரவிச்சந்திரன் இயக்கவுள்ள படத்திற்கு 'மூன்று முகம்' என்ற டைட்டில் தேர்வு செய்யப்பட்டிருப்பதாகவும், சிம்பு இந்த படத்தில் மூன்று வேடங்களில் நடிப்பதால் இந்த டைட்டிலை படக்குழுவினர் தேர்வு பொருத்தமாக இருக்கும் என்று கருதுவதாகவும் விரைவில் சம்பந்தப்பட்டவர்களிடம் முறையான அனுமதி பெற்று பட டைட்டில் அதிகாரபூர்வமாக அறிவிக்கப்படும் என்றும் கூறப்படுகிறது.

ஜி.வி.பிரகாஷ் 'காளை' படத்திற்கு பின்னர் மீண்டும் சிம்பு நடிக்கும் இந்த படத்திற்கு இசையமைக்கவுள்ளதாகவும், இந்த படத்தில் சிம்புவுக்கு ஜோடியாக இரண்டு நடிகைகள் நடிக்கவுள்ளதாகவும் கூறப்படுகிறது.